Како „крадењето“ на храна од чинијата на партнерот е добар знак за вашата врска?

Некои луѓе мразат да ја делат својата храна, додека други мораат да го пробаат она што го има во туѓата чинија.

Сите знаеме дека чинијата на партнерот неретко изгледа многу пополно и повкусно отколку нашата. Едноставно, мора да пробаме за да се увериме дали она што го нарачал/a е повкусно од нашиот избор.

Некогаш можеби и претеруваме, па јадеме еден ипол оброк, наместо само нашиот.

Можеби некои луѓе тоа ги вади од кожа, но ова е добар знак, велат истражувањата.

Новото истражување открива дека партнерите кои ја делат храната се во поздрава врска од оние кои не го прават тоа. Делењето храна наводно значи поврзаност.

Заклучокот е дека луѓето кои ја споделуваат храната со саканите излачуваат хормон окситоцин, кој ги поврзува.

Па, колку често сте навалени над чинијата на партнерот?

М. Д. | Црнобело