5 работи што ги учите за себеси додека сите околу вас стапуваат во брак, а вие сте сами

Со секоја нова година во која сте останале сами и не сте ја нашле љубовта учите по нешто ново за себеси. Што е она што го барате кај партнерот? Дали се сакате себеси доволно? Што е она што вам ви е важно?

Ако сте од оние што ги поминале лудите 20-ти години од животот и полека доаѓате до 30-тата година, тогаш со сигурност веќе знаете дека некои работи се менуваат. Додека ги гледате другите околу вас како стапуваат во брак, основаат семејства, вие сфаќате дека лично за вас некои работи се промениле.

Се менува типот на мажи што ви се допаѓаат

Прво се менува „типот“ на мажи што ви се допаѓаат. Ова особено доаѓа до израз доколку сте во средните или доцните 20-ти години од животот.

Наместо да ви биде важен само изгледот кај партнерот и наместо да барате некого со кого можете „лудо“ да се забавувате почнувате да барате други особености како што се: одговорност, искреност и интегритет.

Почнувате да го цените партнерот заради тоа што со него можете да говорите за голем број значајни работи, за вашите проблеми, за семејството, но и за работата, затоа што како што растете така се менуваат и вашите приоритети.

Со секое ново искуство во врските учите нешто ново за себеси

Иако модерните врски ви се чинат застрашувачки, сепак со секое ново момче учите нешто ново за себеси и за тоа што е она што го барате кај партнерот.

Исто така учите како да се сакате себеси и сфаќате дека некогаш е подобро да бидете сами отколку да бидете со некого што не знае да ве почитува или не сака да ја дефинира вашата врска.

Не сакате да бидете со некого само за да не бидете сами

Не сакате да бидете со некого само за да не бидете сами.

Можеби долго време сте биле „сингл“ и гледате дека сите ваши другарки и пријателки се во брак, сепак тоа не значи дека треба да бидете во врска само за да не бидете сами.

Не сакате да останете во врска само затоа што се чувствувате комотно и не сакате да бидете со некого што не ве сака доволно и на начин на кој што заслужувате да бидете сакани.

За да бидете среќни во брак мора прво да научите да се сакате себеси

Мора да знаете кои сте вие самите пред да се одлучите на брак. Ако стапите во брак без да знаете кои сте и што е она што го сакате од животот прави да се потпирате на вашата врска за да бидете среќни и прави да го следите партнерот во чекор без да застанете да се прашате себеси дали навистина го сакате тоа.

Доколку не сте научиле како да бидете среќни додека сте сами, нема да ја најдете ниту во бракот. Ако не научите да се сакате себеси додека сте „сингл“, нема да се сакате себеси ниту кога ќе бидете омажени.

Уште полошо е да се одлучите да имате деца доколку не сте подготвени за тоа. Тоа што имате деца не значи дека сте си обезбедиле сигурен брак, напротив, децата се најдобар тест за тоа колку еден брак е цврст.

Нема да ги загубите пријателките и другарките што се омажиле

Нема да ги загубите пријателите што се омажиле.

Иако можеби ви се чини дека во целост ќе загубите контакт со пријателките и другарките што стапиле во брак, тоа воопшто не е така.

Еднаш кога вашите другарки ќе ја поминат фазата на „меден месец“ очекувајте дека веднаш ќе сакаат да се дружите и повторно ќе ги имате и за себе.

Б. С. Б. | Црнобело

фото: depositphotos.com/ freepik.com