Зошто не се јавуваат?

Рече дека ќе се јави, но не се јавува. Изненадени? Не , не сте изненадени, но сепак се прашувате, зошто? Мажите ќе ви понудат најразлични објаснувања.

Ако бил пијан, баш и не се сеќава на жената чиј број земал. Во таква состојба често го губат ливчето со бројот.

Некои мажи составуваат листи како: „досадно ми е“ или листа во случај на опасност“. Нема да ги слушнете наредните неколку недели, но во последен момент ќе ве повикаат на забава, месеци откако ви го зеле бројот.

Други пак собираат броеви за да ја зголемат самодовербата. И немаат намера да се јават, дури и не им се допаѓа девојката чиј број го побарале – едноставно сакаат да видат дали е таа заинтересирана за нив.

Верувале или не, искуството со жени кои ќе им дадат погрешен број на телефон умее да боли. По неколку такви ситуации, ќе се запрашаат дали и вие лажете и нема да сакаат да го проверат бројот.

Понекогаш тие го бараат бројот, затоа што не умеат тактично да го завршат разговорот. Не се осмелуваат да изговорат: „Ми беше мило што се запознавме“, и да си отидат.

Се будат наредното утро и помислуваат како ја сретнале девојката од соништата, но се далеку под нејзиното ниво. Се спасуваат од маките така што не и се јавуваат, затоа што во спротивно таа би требала да смислува начин како да ги одбие.

Да се разбереме, кога ќе ви побараат број, најверојатно им се допаѓате – во тој момент и на тоа место. Но, следниот повик или пак она што следи бара повеќе труд: вечера, состанок, следен состанок (кој нема да се случи ако не ви се јават повеќе пати)...па трет состанок.......и веќе и не знаат дали толку многу им се допаѓате.

Ако ви побарат телефон или мејл, не се сигурни дека сакаат повторно да ве видат. Ако навистина сакаат нареден состанок, директно ќе ве прашаат дали може повторно да се видите.

На ова гледајте вака: да се даде или пак добие нечиј број е како ставање на паричка во џек пот автомат. Можеби нема да ви се исплати ни вам ниту нему, но тоа е многу забавна и безопасна игра.

Што можете да изгубите – освен една паричка?