Пет навики на мажите со кои ненамерно ја уништуваат довербата во врската

За секој телефонски разговор заминува во другата соба, не признава кога згрешил, не прифаќа компромис - за некои мажи овие навики се сосема нормални, а не се свесни дека со нив ја уништуваат довербата кај партнерката.

Психологот Џејн Грир е автор на книгата How Could You Do This To Me, а според неа постојат неколку машки навики, со кои припадниците на посилниот пол несвесно ја нарушуваат довербата во врската и во бракот.

Навики на мажите со кои ненамерно ја уништуваат довербата во врската:

Никогаш не е подготвен на компромис

Речиси не е возможно да се изгради врска заснована на доверба со партнерот што верува дека само тој знае што е најдобро и кој никогаш не е подготвен да направи компромис.

„За една врска да биде успешна потребно е да научите што треба да направите за партнерот да биде среќен. Ако некој не е подготвен да прифати компромис, тоа значи дека е себичен и незрел.

Кога некој не сака да направи компромис тоа значи дека сака сѐ да биде по негово и воопшто не е заинтересиран за тоа како се чувствува партнерката“ – вели таа.

Никогаш не е тука кога ви треба

Ви ветува дека ќе дојде со вас на важен настан, но ви откажува во последна минута. Не е тука ниту кога ви треба помош за да го однесете миленикот на ветеринар.

„Со тоа што никогаш не ги исполнува ветувањата, ви става до знаење дека не можете да се потпрете на него, а со тоа и ви ја нарушува довербата.

Кога му верувате некому, тоа значи дека тој ќе биде постојано достапен за сите ваши потреби и никогаш нема да ве остави на цедило“ – пишува таа.

Никогаш не признава дека е виновен

Од него нема да ги слушнете зборовите „Извини“ или „Признавам, во право беше“...

Никогаш нема да признае дека згрешил и заборавил да купи некоја ситница или дека направил некоја грешка.

Тоа што не сака да преземе одговорност за ниту еден проблем, според психологот е фактор што придонесува, партнерката да загуби доверба во него.

Ако треба да прати порака или да се јави на телефон се крие во другата соба

Кога партнерот се крие за да испрати порака или за да разговара на телефон во другата соба, кај партнерките нормално се јавува сомнеж зошто тој би го правел тоа.

Иако ви се чини дека е неважно, токму тие ситници го нарушуваат односот и прават партнерката да ја загуби довербата.

Сите приказни му се полни со нелогични детали

Велат дека кога некој лаже треба постојано да внимава на сите детали. Тој прво ви вели дека минатиот викенд бил со пријателите, а потоа вели дека бил кај сестра му.

Таквите нелогичности во неговите приказни создаваат сомнеж, заради кои треба да му се спротивставите и да му побарате да ви каже каде бил.

Не мора да го нападнете, но ако и по културното барање за појаснување, забележите дека ве лаже и избегнува да признае, тоа е прв знак дека сте со личност што не е целосно искрена со вас.

 Б. С. Б. | Црнобело

фото: depositphotos.com/ freepik.com