Чанта изработена од воздух и стакло на ревија на Модната недела во Париз - Тежи само 33 грама

Чантата е изработена од наноматеријали што НАСА ги користи во вселенските мисии, а тежи само 33 грама. Во неа можете да носите само мобилен телефон.

На Модната недела во Париз за првпат беше претставена чанта која е изработена од 99 отсто воздух и 1 отсто стакло.

Станува збор за иновативен модел изработен од брендот Coperni, кој минатата година се претстави со вистинско шоу на модната писта кога на Бела Хадид ѝ направи фустан од боја.

Новата „Вселенска чанта“ (Space Bag) на брендот за брзо време стана вистински хит на социјалните мрежи и речиси насекаде се споделува видеото од моментот кога ја вадат од куферот со кој била пренесена на ревијата.

this coperni bag is so innovative but I feel like I’d break it so fast if it’s 99% air 😭pic.twitter.com/ISwtt1xnsJ

— phoebe (@saintxlaurent1) March 4, 2024

Инаку, за изработката на чантата брендот соработувал со НАСА и бил користен наноматеријалот којшто воедно е најлесниот материјал во цврста состојба на Земјата и се користи за ловење на ѕвездена прашина.

Чантата тежи само 33 грама, а кога ќе ја ставите на маса звучи како да оставате кристално стакло на површината.

#Coperni’s Sebastien Meyer and Arnaud Vaillant pushed the boundaries of fashion technology even further tonight at #ParisFashionWeek. This season, they presented the Swipe bag made out of thin air—well, 99% air, 1% glass. See more from the runway: https://t.co/nViLWuZsop pic.twitter.com/M1OyEjapUT

— Vogue Runway (@VogueRunway) March 4, 2024

Од брендот тврдат дека иако чантата делува мошне нежно, таа е издржлива, односно може да издржи температура од 1.200 степени Целзиусови и притисок што е посилен 4.000 пати од нејзината тежина.

На прашањето дали нешто може да се носи во чантата, претставници на брендот одговорија дека може да ставите еден iPhone.

Погледнете како изгледа одблиску оваа чанта на иднината:

Б. С. Б. | Црнобело