Моден водич за мажи: Како да носите сиви панталони?

Сивите панталони најдобро е да ги искомбинирате со бела, сина или црна маичка/кошула за највпечатлив изглед.

Кога станува збор кое парче облека за мажи нуди најмногу можности за комбинирање и разновидност, сивите панталони дефинитивно се победникот.

Дури и ако во прв миг помисливте дека црните панталони триумфираат, разните нијанси на сиво даваат многу поголеми можности. За софистицирана естетика и вистински моден печат, тие се вистинскиот избор.

Еве ги основните работи што треба да ги знаете за комбинирањето на сивите панталони:

Кои бои одат со сиво?

Зависно од нијансата, сивите панталони може да се комбинираат со многу бои. Најдобро прилегаат со сино, кафено, бело и црно. Играјте си со контрастот ако сакате храбар изглед.

Стајлинг со сиви панталони

Можете да ги носите и за формални и за лежерни пригоди, зависно од вашиот стил.

Играјте си со материјалите и со парчињата со кои ги комбинирате. За неформални пригоди одберете маичка, а за формални кошула.

Еве неколку идеи за тренди стајлинг со сиви панталони:

Комбинации на бои

Иако стилот на маичката, кошулата или џемперот што ќе ги искомбинирате со сивите панталони е важен, уште поважна е бојата.

Црна кошула и сиви панталони

Ова е класична комбинација. Темниот изглед ќе ви даде софистицираност, совршена за формални вечерни настани. Додадете оксфорд чевли и црн ремен и подготвени сте за коктелот од работа.

Бела кошула и сиви панталони

Ова е една од најлесните комбинации за носење. Во неа секогаш ќе изгледате одлично, без разлика која нијанса на сива се вашите панталони. Само променете ги вашите чевли и јакна и подготвени сте за разни пригоди.

Сина кошула и сиви панталони

Ова е едноставна, но стилска комбинација. Свеж и префинет изглед, совршен за формални и неформални пригоди.

Комбинации на чевли

Иако црната боја на чевли е добар избор со сивите панталони за формалните пригоди, не заборавајте и на експериментирањето.

Кафени чевли и сиви панталони

За оваа комбинација потребно е да ги изберете вистинските нијанси. За храбар и тренди изглед облечете светло кафени чевли, за потрадиционален изглед облечете темно кафени чевли.

Бургунди чевли и сиви панталони

Бургунди чевлите креираат стилски контраст кога се комбинирани со сиви панталони. Уникатната боја е совршена за оние што сакаат да се истакнат. Додадете и бургунди палто и имате комбинација што не се заборава.

С. С. | Црнобело