Тајната на совршената брада

Што најмногу ги привлекува жените? Бицепси, трицепси, полн паричник и брз автомобил? Не! Чистотата, уредноста и негуваниот изглед...

...секогаш ќе го привлечат женското внимание, а се останато доаѓа понатаму.

Негуваниот изглед, секако подразбира покрај грижата за своето тело и редовно бричење на брадата. За да имате совршено уредна брада, мора да се одвои доволно време за нега на лицето.

Секогаш бричете се наутро, по туширање, бидејќи тогаш кожата на лицето е најопуштена, а брадата помека. Тоа значително ќе ви го олесни бричењето. За полесно да се избричите користете гел или крема за бричење, избегнувајте пена или сапун.

Немојте да штедите на квалитетот на жилетите за бричење и по можност користете такви што имаат два или три слоја сечива.

Кога ќе дојде ред да се исплакне жилетот, обавезно користете жешка вода.

Жилетот исплакнете го по секој потег на бричење, за да ја зголемите неговата ефикасност и да го намалите ризикот од оштетување на кожата. Кратките и прецизни потези се најсигурното решение.

Постојано имајте на ум дека за малиот машки ритуал, бричењето, потебно е доволно време. Немојте никогаш да се бричите на брзина, додека брзате за во град или пак на работа!

Патем, кожата секогаш избричете ја два пати. Првиот пат поминете со жилетот во смерот на растење на влакната, а потоа ставете повторно гел или крема и уште еднаш поминете во спротивната насока. Така вашето лице ќе стане сосема мазно.

По секое бричење, добро измијте го и исушете го лицето за да не останат трагови од гелот, или кремата што сте ги употребувале. Потоа, нанесете лосион или крема со смирувачко дејство.

На крајот, доколку не спаѓате во категоријата мажи со „брзо растечка брада“, брадата треба да се бричи секој втор или трет ден.