10 туристички дестинации во Европа каде постои најголем ризик да ве ограбат џепчии

Вистината е дека паричникот може да ви го украдат секаде, па дури и во центарот на Скопје среде бел ден. Затоа внимавајте кога се движите низ голема толпа луѓе, особено ако е тоа во големите европски градови, каде секојдневно има илјадници туристи...

Сите сме свесни дека кога одиме на која било дестинација, особено на места каде што има многу туристи, турканици и врвулица од луѓе, мора да внимаваме на паричникот и личните документи.

Но, колку и да сме внимателни, тоа понекогаш не ги спречува џепчиите (да пробаат) да ни ги украдат парите.

Британскиот портал Quotezone.co.uk направи истражување за тоа кои градови, но и кои туристички локации во градовите се омилените места на кои „оперираат“ џепчиите.

Според нивното истражување, на листата водат градови во Италија, Франција, Шпанија, но и Холандија, Британија и Чешка...

Истражувањето е направено според бројот на кражби што ги пријавиле туристите во период од една година.

Според резултатите, најголем рај за џепчиите e Италија, односно градовите Рим, Милано и Фиренца.

Во Рим најмногу се крадат паричници околу Колосеумот, фонтаната Треви и Пантеон, но и во близината на Ватикан.

Најмногу кражби се пријавени околу фонтаната, каде што постојано има стотици туристи кои се фотографираат.

Џепчиите често работат во парови, па додека еден им го одвлекува вниманието на туристите, другиот краде од нивните џебови и чанти.

Едно од омилените туристички места во Милано, областа околу катедралата Дуомо, е исто така место на кое има многу џепчии, а туристите секојдневно пријавуваат кражби.

Уште едно место во Италија е познато како рај за џепчиите - областа околу галеријата Уфици во Фиренца.

Втора на листата со најмногу пријавени кражби од џепчии во Европа е Франција, а најкритично место е делот околу Ајфеловата кула во Париз.

Трета на листата е Холандија. Во оваа земја најмногу џепчии има во Амстердам и Ротердам.

Во Амстердам тоа е централниот дел од градот, околу познатите кофи-шопови, областа на Црвените фенери и железничката станица.

Во Ротердам, пак, се издвојува центарот на градот и местата во близина на превртените куќи-коцки и затворениот пазар Марктхал.

По нив, на листата следи Германија со Берлин и Минхен.

Грција е петта земја според бројот на пријавени кражби од џепчии, и тоа на островите Миконос и Санторини, но и главниот град Атина.

Уште пет локации на следната страница...