Пет градови во регионот со одлична програма за дочекот на Нова година
Ако сакате да ги слушате Северина, Дино Мерлин, Влатко Стефановски, Џибони или Црвена јабука, дочекот на новогодишната ноќ во овие градови ќе ви биде незаборавно доживување.
Доколку планиравте да патувате за новогодишните празници, сега е вистинското време бидејќи забавата на некои места веќе е започната.
Во кои градови од регионот ќе има најдобра забава за дочекот на Новата година?
Дубровник
Дубровник е секогаш добра идеја, но за новогодишната ноќ, на Страдун ќе пее неповторливиот Здравко Чолиќ.
Зимскиот фестивал во Дубровник годинава има разновидна програма - од претстави и изложби, до концерти, а за време на паузите од новогодишната еуфорија, може да се прошетате по крајбрежјето, да испиете кафе во градските кафулиња и да уживате во сонцето.
Нови Сад
Урбаниот и градот на културната има интересна програма за Нова година.
Вниманието со сигурност ќе ви го привлечат имињата: Влатко Стефановски, Буч Кесиди, Марко Настиќ...
Котор
Зимава во Котор се спојуваат убавината на минатото и радоста за иднината.
Северина и Дино Мерлин ќе пеат на плоштадот за новогодишната ноќ, а за време на продолжениот викенд може да го посетите ресортот Портонови.
Риека
Ако ви недостасува љубов и романса, дочекот на 2024 година во Риека со Џибони ќе ви биде најдобрата одлука.
Веќе следниот ден, одете во Опатија, каде што има магичен базар на Јадранот.
Сараево
И конечно, ако повеќе го сакате градот отколку брегот, ви го предлагаме Сараево.
Таму за новогодишната ноќ во центарот ќе настапуваат најпопуларните бендови од Југославија: Бомбај штампа, Забрането пушење и Црвена јабука.
Во близина е и Јахорина ако сакате да комбинирате скијање и забава.
С. Ш. | Црнобело
Би можело да ве интересира:
Препорачуваме
Најчитани неделава
