Напуштени локации во Берлин кои се предизвик за туристите

Берлин секогаш знае да ме изненади и да ми овозможи поразлично доживување на секојдневието. 

Германската престолнина која е синоним за деноноќни забави во себе крие голем број на напуштени објекти, кои ги заведуваат посетителите да ги посетат.

Од детски болници, урнисани супермаркети и проколнати хотели, па сè до мистериозни детски градинки, заборавени казина и еден куп опустошени фабрики.

Во продолжение следува листа на напуштени локали во Берлин кои претставуваат магнет за авантуристи и љубопитни минувачи:

Темпелхоф

Мајката на сите напуштени аеродроми. Откако во мај 2010 година локацијата доби статус на слободен простор, Темпелхоф стана место за пикник, возење велосипеди и скејтборди, наминуваат и многу јога ентузијасти, хипстери и секако туристи.

 

Санаториумот Елизабет

Изграден пред сто години со намена за згрижување на болни од туберкулоза, после децении и децении успешно функционирање, денеска санаториумот Елизабет претставува мрачен исечок од Берлин. Простор за вистинските љубители на хорор приказни и ѕиркачи. 

Фабриката Рудерсдорф  

Напуштана од 1999 година, некогашната хемиска фабрика е вистински апокалиптичен пример. Низ сивите ходници сè уште се чувствува присуство на некогашните работници. Морничаво, колку и примамливо за храбрите.  

Шпрeепарк

За момент ќе помислите дека се наоѓате во Паркот Јура. Напуштениот забавен парк ќе ја потхрани вашата фантазија, соочувајќи ве со огромни диносауруси и распаднати ролеркостери.

Автор: Евгениј Хоуп | Црнобело