Пет одлични дестинации за соло патување

Кога ви е преку глава од договори и преговори за најразлични одмори и патувања, пресечете и тргнете сами.

Патувањето соло има свои предности, како помалку ограничувања и исполнување само на сопствените желби и потреби. Иако можете да отидете секаде каде ќе посакате, искористете ја шансата да видите некое место што го сметате за посебно.

Доколку не можете да се одлучите, погледнете ја оваа листа од пет најпопуларни дестинации за соло-патување и изберете нешто што ви се допаѓа:

Хелсинки, Финска

Сауни, локална храна, несекојдневна архитектура и сезонски попусти во продавниците - што повеќе може да ви треба?

Рејкјавик, Исланд

Рејкјавик е еден од најбезбедните градови за туристите, а во исто време нуди и многу можности за прошетки, посета на културни манифестации, уживање во кафе-барови и авантури низ природата.

Велингтон, Нов Зеланд

Возењето со шинобус и разгледот на градот е само една од причините зошто да го изберете како дестинација, доколку имате можност за тоа. Исто така, има многу слаткарници и ресторани за да го задоволите својот вкус.

Тбилиси, Грузија

За Тбилси може да се каже дека е скриена скапоценост, со прекрасна и автентична архитектура, историски знаменитости, вкусна храна и одлично локално вино.

Буенос Аирес, Аргентина

Колоритен град во кој е невозможно да не се вљубите. Таму секогаш има некој уличен фестивал во кој можете да се претопите и да заборавите дека сте отишле сами.

Е. Д. | Црнобело