Адрпашко-Тепличките карпи во Чешка се пандан на нашата Куклица во кратовско, мистично и волшебно место (фото)
Ова е најголемата групација на карпи во Европа, испреплетени во лавиринти. Издигнувајќи се високо, во најразлични форми и големини, Адрпашко-Тепличките карпи се делкале во текот на годините со помош на водата и времето.
Тесните ходници меѓу нив може да направат да се почувствувате малку клаустофобично, но глетката е вредна за секој подзапрен здив.
Секој што ги посетил потврдил дека станува збор за предел „како од друг свет“, „маѓепсана територија“ каде што времето се мери поинаку.
Слично како и нашиот македонски раритет Куклица во кратовско, и Адрпашко-Тепличките карпи се состојат од скаменети луѓе (младоженци, но и еден градоначалник и неговата сопруга), коњи, птици и желки.
Интересен податок е што до средината на 18 век, овие карпи во Чешка претставувале необично, непознато и мошне мистично место, па луѓето се плашеле да влезат и да прошетаат помеѓу нив.
Се сметаат за таинствени, застрашувачки, па дури и маѓепсани! Еден од најтесните процепи помеѓу карпите изнесува само половина метар, што значи дека не секој може да се протне и да помине помеѓу нив.
Еден голем пожар сменил практично сè во овој предел. Луѓето почнале полека да влегуваат низ нив и да ги откриваат богатствата што ги крие местото.
Денес, областа е целосно пошумена, со многу скали околу карпите, како и места за одмор. Карпите некаде се облеани во сончевина, а пак на други места со студ и снег како во Сибир.
Напати се темни и мрачни, тесни и лизгави, а од другата страна се обвиени со пејзаж на зелени ливади, езера и сончеви зраци.
Секој мора да го поседи ова мистично место во Чешка барем еднаш во животот:
https://www.instagram.com/p/CRjYIT0n8yf/
https://www.instagram.com/p/CRdlCVjpf1O/
Продолжува на следната страна...
Би можело да ве интересира:
Препорачуваме
Најчитани неделава
