Рација над тимот на Наполи

Тимот на Наполи може да биде новиот скандалозен тим во Италија откако полицијата изврши рација врз клубот. Финансиската полиција направи увид на документите во седиштето на тимот а некои од документите беа земени за понатамошни испитувања за можни местенки во Серија А.

Четворица полицајци, специјализирани во областа на финансиска полиција, специјален оддел во склоп на специјализираниот вооружен оддел за финансиски криминал, денеска скоро четири часа вршеа рација во седиштето на клубот на Наполи по налог на Јавното Обвинителство од Наполи.

Полицијата помина дополнителен час во седиштето на Италијанската Фудбалска Федерација од каде се земени примероци од договорите на играчите со клубовите како и со нивните агенти.

„Денеска финансиската полиција на Италија ги посети седиштата на клубот за да изврши разговори поврзани со судски постапки кои датираат од 2007 година. Деталите за случајот се сè уште непознати“, беше објавено официјалниот сајт на клубот.

„Даваме до знаење дека претставници од клубот како и директорите не се цел на истрагата. Клубот е отворен за соработка за какви и да било прашања во врска со случајот.“

Локалните медиуми се јавија со шпекулациите дека до ваков случај дошло по дојава за евентуални нелегалности при трансфер на одредени играчи во тимот.

Тимот на Наполи е моментално во Ајндховен каде го очекува натпреварот против ПСВ во рамките Лига Европа.