Шумахер се повлекува од Формула 1!
Михаел Шумахер одлучи по втор пат да се пензионира од Ф1 на 43 годишна возраст по неуспехот повторно да ја разгори својата Ферари магија во тимот на Мерцедес.
Минатата недела тимот на Мерцедес прогласи дека победникот на 91 трка, освојувачот на 7 титули во Ф1, легендарниот Шумахер, ќе биде заменет со Луис Хамилтон на почетокот на новата сезона.
„Одлучив да се повлечам на крајот на годината иако сеуште сум способен да се натпреварувам против најдобри возачи кои се тука, но некогаш е време да се каже збогум. Овој пат тоа може да биде и засекогаш.“
Во 2006 година Шумахер се пензионираше за прв пат од Ф1 откако освои 5 титули по ред со тимот на Ферари од 2000 година и 2 титули со тимот на Бенетон во 1994 и 1995 година.
Во последните 3 сезони, ветеранот само еднаш се има качено на подиумот, кога освои 3-то место во Валенсија оваа година. Неговата последна победа беше со тимот на Ферари во Кина во 2006 година.