7 погрешни навики со кои несвесно си го нарушувате здравјето

Секој има свои правила за хигиена и рутини со кои се грижи за себе и својата убавина, а тоа не изгледа на некоја тешка и комплицирана работа.

Но, понекогаш овие работи за кои мислиме дека се добри и дека треба да ги правиме, може да ни наштетат на здравјето или на убавината.

Погледнете дали и вие практикувате некоја од овие 7 секојдневни грешки и обидете се да ги избегнете:

Ја покривате устата кога кашлате, кивате

Со покривањето на устата со раце, дозволувате многу бактерии да „се населат“ во вашата кожа. Резултатот може да биде црвенило или осип.

Правилнo: Покријте ја устата со марамче кое потоа ќе го фрлите.

Сечете нокти со ножички

Кога користите ножички за сечење на нокти, структурата на ноктот се деформира, па почнува да се раздвојува и станува кршлива.

Правилнo: Ако сакате да отстраните поголем дел од ноктот, користете грицкалка за нокти за да ги пресечете, а потоа оформете ги како што сакате.

Го шминкате долниот внатрешен дел на окото

Посебно ако го правите тоа со четкичка, со допирањето на внатрешниот дел на окото, можете многу лесно да предизвикате инфекција. Боја измешано со солзи, создава совршени услови за тоа.

Правилнo: Ако сакате да го истакнете долниот дел, користете сенка и нанесете ја малку под трепките.

Го „чистите“ носот со прсти

На рацете многу често има бактерии и нечистотии, кои ако еднаш се „судрат“ со слузницата, може да предизвикаат воспаленија. Посебно е опасно кога носот е затнат.

Правилнo: Носот треба да се чисти наутро, а најдобро е за тоа да се користи специјална направа што служи за таа намена.

Пречесто користите гел за туширање

Кожата содржи корисни бактерии кои ја штитат од инфекции и помагаат во одржување на нивото на влажност. Пречестото користење на гелови и средства може да ја уништи бариерата и кожата да стане поподложна на сушење, што може да предизвика појава на егземи.

Правилнo: Секојдневно миење со вода и дополнителни средства бараат само долните делови од телото, делот под пазувите и секако, дланките. Не цело тело.

Ставате премногу паста за заби

Вишокот на паста предизвикува влакната на четката посилно да се лизгаат по забите, што го намалува квалитетот на чистењето.

Правилнo: Препорачлива количина на паста за заби: за возрасни – топче со големина на зрно грашок, а за деца – со големина на зрно ориз.

Користите премногу балсами за коса

Балсамите за коса имаат густа текстура поради тоа што содржат силикони и други компоненти за да и дадат сјај и мекост на косата. Ако ставате премногу – косата може побрзо да се извалка, а ако дојде до кожата на главата, порите ќе се запушат и тоа доведува до зголемување на масти и сиромашен раст на косата.

Правилнo: Идеална количина на балсам за коса е со големина на монета. Се нанесува само на врвовите каде што косата e најсува.

М. М. | Црнобело