Летен хит на Инстаграм: Коса во боја на океанот
Дамите ширум светот не можеа да замислат подобар начин за прослава на љубовта кон сончевото лето и океанското синило.
Топлото лето е најдобрата сезона за испробување на новите трендови, а временскиот интервал за последниот меѓу нив - „океанската коса“, дефинитивно е вистинскиот.
Според Инстаграм, бојадисувањето на косата во боите на океанот ќе биде апсолутен хит во текот на сончевите месеци.
Трендот #oceanhair станува сè попопуларен, а бил пребаруван повеќе од 12 илјади пати на социјалната мрежа во изминатиот период.
„Океанската коса“ ги издигнува брановите на комплетно поинакво ниво, а за да добијат совршена комбинација од сини нијанси на косата кај своите клиентки, професионалните фризери и стилисти ги користат сите бои на океанот.
Применуваат различни тонови на сина, кобалтна и тиркизна, а понекогаш и зелена боја, за постигнување длабочина и димензии кои целосно ќе потсетуваат на морски бранови.
Со миксот од разновидни бои, процесот на фарбање не е нималку едноставен. Сепак, океанската коса изгледа импресивно, зар не?
М. А. | Црнобело
Би можело да ве интересира:
Препорачуваме
Најчитани неделава
