Луѓе, животни или базен - Како можете да се заразите со шуга?

Дали шугата ја пренесуваат само животните? Дали може да ја добиете на базен? Како да ги отстраните паразитите на шуга од вашиот тепих, мебел и облека?

Мислевте дека шугата кај луѓето е болест која е искоренета? Грешите. 

Исто така, претходно постоеше верување дека шугата напаѓа само луѓе со понизок социо-економски статус, луѓе кои не се грижат за својата хигиена или кои се промискуитетни.

Сепак, појавата на шуга кај луѓето нема никаква врска со овие фактори, особено не денес. 

Чешањето предизвикано од шуга е резултат на алергиската реакција на вашето тело на паразити, нивните јајца и измет.

Секој може да добие шуга, вклучувајќи ги и лекарите, медицинските сестри, наставниците, малите деца и постарите лица. 

Имањето шуга не е знак дека некој е валкан, невнимателен или промискуитетен.

Кои се симптомите на шуга?

Ако станува збор за личност која никогаш немала шуга, симптомите почнуваат да се јавуваат неколку недели по заразата. Доколку личноста претходно ја имала болеста, симптомите можат да се појават и по само неколку дена.

Дел од симптомите вклучуваат:

- чешање, кое често е многу интензивно и обично се влошува навечер и кога е топло

- осип на кожата (изгледа слично на егзема)

- плуски на кожата (црвени или кафеави),

- тенки и неправилни линии на кожата кои се како тунели низ кои се движат паразитите

Кој е изложен на поголем ризик од зараза?

Секој може да се зарази со шуга, но постојат некои фактори што го зголемуваат ризикот:

- луѓе кои имаат повеќе сексуални партнери

- секој кој живее или работи со поголем број луѓе во мал простор

- пациенти и здравствени работници во болници и старечки домови

- ученици, наставници и други работници чија работа е да се грижат за другите

- луѓе кои живеат или работат во институции или затвори

Може ли да е добие шуга од куче или мачка?

Краткиот одговор е - не.

Животните не можат да пренесат шуга што ги „напаѓа“ луѓето. 

Кучињата и мачките можат да се заразат од друг вид шуга, која не може да преживее или да се размножува на луѓето.

Продолжува на следната страница...