Кратки и брзи тестови за проверка на здравјето и држењето на телото

Секако дека кога мислите дека нешто не е во ред со вашето тело или здравје, најпаметно е да се консултирате со лекар.

Но, доколку се сомневате и не сакате да паничите, постојат неколку брзи тестови за проверка на некои делови од телото.

Корисно е да проверите како функционира вашето тело, а можете да го направите и во друштво со пријателите или семејството.

Брзи тестови за евалуација на здравјето:

Тест за видот

Тестот со Амслерова мрежа помага во идентификување на макуларна дегенерација, болест што се појавува после 50-тата година и напредува многу брзо, што може да доведе до ослепување.

Тестот се прави во просторија со добро светло. Поставете ја сликата на 30-40 cm оддалеченост од очите и не ја вртете главата.

Затворете го едното око со раката, а со другото продолжете да гледате во точката и бројте во себе до 10, повторете го истото со другото око.

• Ако линиите се рамни, без изобличувања, солзи и сиви точки – сè е во ред со вашата ретина.
• Ако во некој дел од сликата, линиите се извртени, посетете доктор.

Тест за издржливост

Тестот се спроведува со правење на неколку физички активности и проверки.

Пронајдете го пулсот на раката и бројте го бројот на отчукувања во минута. Направете 20 чучнувања. Повторно измерете го пулсот.

• Ако бројот на отчукувања се зголеми за 25% - сè е во ред. Ако се зголеми за 25-50%-кардиоваскуларниот систем е ослабен.
• Ако бројот се зголемил за повеќе од 50%, неопходна е консултација со доктор.

Качувајте се нормално, ниту бавно, ниту брзо, до 4-ти кат по скали. Измерете го пулсот.

• Ако пулсот е околу 120 отчукувања во минута – сè е во ред.
• Ако пулсот е многу повеќе од 120 и губите здив, проследено со болка во градите, посетете доктор за консултација.

Држење на телото

Станете и застанете како што чувствувате дека е најнормално во секојдневието и побарајте некој да ве погледне.

• Ако грбот е свиткан под агол од 45⁰ или повеќе, а колковите се испакнати нанапред, ова е сериозно искривување и можеби имате кифоза.
• Конкавноста на колковите исто така сигнализира неправилно стоење и во овој случај повторно треба да се консултирате со лекар.

Друг едноставен тест може да спроведете со маркери или пенкала. Земете по едно пенкало во двете дланки и спуштете ги рацете надоле покрај телото.

• Ако пенкалата се паралелни едно на друго, вашето држење е во ред.
• Ако пенкалата се свртени едно кон друго, тогаш сте искривени.

За третиот тест за проверка на ставот е исто така потребно некој да ве гледа. Застанете нормално и визуелно или со линијар, нацртајте линија од под увото до клучната коска на рамото.

• Ако линијата е права, нема потреба за грижа, ако линија е крива, тоа е знак за лошо држење на телото.

Тест за респираторен систем

Со овој тест можете да ги проверите перформансите на респираторниот систем, снабдувањето на кислород во телото, како и да идентификувате проблеми со циркулацијата на крв.

Седнете и неколку пати длабоко вдишете и издишете. Потоа повторно вдишете и задржете го здивот, а со раката затворете го носот.

Со штоперица мерете го времето колку ќе издржите.

Кај здравите личности, резултатот не треба да биде помал од 40 секунди кај мажите и од 30 секунди кај жените.

М. М. | Црнобело