Славица од крушевско изработува расцветани дрвца од гранки: „Сакав да им дадам нов живот“

Со цветните креации на Славица од крушевско Свети Митрани, во нејзиното дворче цела година е пролет. Оваа вредна жена нашла начин како да им даде нов живот на старите и оштетени гранки и од нив да направи прекрасни расцветани дрвца.

Славица Коларовска (54) е земјоделец од селото Свети Митрани, крушевско, а со своите вешти раце успева на старите и оштетени гранки да им даде нов живот, така што ги претвора во прекрасни расцветани дрвца кои никогаш не венеат.

Нејзините цветни дрвца изгледаат прекрасно и живо во секој дел од годината, а за читателите на CRNOBELO.com таа открива како дошла до идејата за изработка на овие прекрасни креации.

„Премногу ги сакам цвеќињата и природата. Инспирација за изработката ја добив кога видов исечени и уништени дрвца. Сакав на некој начин да им дадам шанса за живот.

Одлучив да ги преработам и од нив да направам цветни креации. На некаков начин успеав да ги оживеам“ – вели во изјава за CRNOBELO.com Славица.

Таа вели дека за изработка на едно дрвце со височина од 120 cm ѝ е потребен еден ден, а во однос на материјалите за изработка на цветовите, таа не сака да открива многу, но вели:

„Јас на сите им потенцирам дека не се оштетуваат од вода и можете слободно да ги туширате!“

Во продолжение погледнете повеќе фотографии од вечно расцветаните дрвца на Славица:

Поттикнати од пораката на новата иницијатива на Македонски Телеком „Да направиме место за вистински да се поврземе“, којашто поттикнува отвореност и меѓусебно разбирање, за што говореше и Горан Стефановски, редакцијата на CRNOBELO.com ќе направи повеќе место за добри вести и приказни кои инспирираат.

Б. С. Б. | Црнобело