Во дворчето на Ангелина и Перо во Дојран: Соларни пеперутки и фонтана за уживање на пролетното сонце

Ангелина и Перо Митаноски од Дојран, љубовта кон уредувањето на ентериерот и екстериерот, овој пат ја насочија кон нивниот двор, кој го претворија во вистинска оаза за пролетно уживање.

Саксии со шарени цвеќиња, соларни пеперутки и фонтана, бела дрвена клупа украсена со перничиња во пастелни бои, го прават дворчето на Ангелина и Перо Митаноски во Дојран, место за вистинско уживање на пролетното сонце.

Целиот идиличен впечаток за нивниот двор е дополнет со многу зеленило, зимзелени дрвца и букет украсни цвеќиња поставен на влезната врата.

„Се мислевме како да го уредиме дворчето за овој период од годината, да биде убаво ‘скоцкано’ како за време на божиќните и новогодишните празници, но сепак да е лесно за одржување.

Идејата како да го уредиме тргна од соларната фонтана.

Сами ги смисливме и ги одбравме украсните дрвца, но овој пат за крајниот резултат ни помогнаа и нашите родители со свои сугестии и идеи“, рече Перо за CRNOBELO.com.

Повеќе фотографии и видео од ова идилично дворче во Дојран на следната страница...