На гости кај Симона: Современ стан во Скопје со доминација на темни тонови и совршено зајдисонце (фото)

Детали

сабота, 16 септември 2023

„Главниот фокус во дневната соба е на масивната сива гарнитура од букле материјал, на која чувството е буквално како да лежиш на облачиња. Омилен дел од домот ни е кујната во темно сива боја, која ја надополнивме со црни апарати, магнетна чешма и остров, како и терасата со отворен поглед кон Скопска Црна Гора“, вели Симона (34) за уредувањето на нејзиниот стан во скопската населба Тафталиџе, каде живее со сопругот.

Симона (34) од Скопје со сопругот живее во стан од 65m2 во населбата Тафталиџе, во кој преовладуваат темните тонови и индустрискиот стил на уредување.

Вели дека омилен дел од уредувањето на домот ѝ се големата кујна, со многу простор за складирање, удобната гарнитура во дневната соба, но и шкафчињата во тоалетот, кои на совршен начин го кријат целиот „хаос“ од козметика.

За уредувањето на нејзиниот дом, Симона открива за CRNOBELO.com:

„Во овој стан со сопругот со вселивме неодамна, а во уредувањето доминираат сивата и темно сината боја. Се разбира, недостигаат уште многу детали.

Не сакавме да има дрво и сакавме индустриска нота, односно постуден изглед во ентериерот и го постигнавме тоа.

Еден ден ако ни стане монотоно, можеби ќе му дадеме доза разиграност на просторот со некоја фотелја во впечатлива боја, но засега тоа го правиме со зеленилото и деталите.

Од нашата „мини градина“ омилен детаљ ни е мандарината, наскоро ќе пристигне и дрвцето маслинка, додека терасата ја освеживме со шест зимзелени дрвца.

Главниот фокус во дневната ни е на масивната сива гарнитура од букле материјал, на која чувството е буквално како да лежиш или седиш на облачиња.

Овој простор го надополнивме со кружни масички, кои се лесни за преместување и навистина практични, како и со меко килимче во светла нијанса.

Трпезариската маса е направена од мат ламинам, материјал за кој имам само пофални зборови, поради неговата издржливост, како и тоа што е лесен за одржување.

Продолжува на следната страница...