5 освежувачки пијалаци кои ќе ве разладат во жешките летни денови и ноќи

Температурите секојдневно се зголемуваат за неколку степени, а тоа значи дека губиме повеќе течности и потребна ни е дополнителна хидратација на телото.

Има ли подобра идеја од ладен освежителен пијалак со многу мраз за време на летните денови и ноќи?

Имаме 5 вкусни предлози кои ќе посакате да ги направите и вкусите веднаш:

Кокосова вода

Добрата вест е што кокосовата вода сè почесто ја носат во нашите продавници. Сепак, внимателно читајте го составот на декларацијата. Потребна ви е кокосова вода која нема додатни шеќери во вкусот. Послужете со многу мраз и уживајте.

Прочитајте за бројните придобивки од редовното консумирање на кокосовата вода.

Лимонада со свежа краставица

Вода, лимон и краставица. Звучи едноставно, но резултатот е прилично воодушевувачки со многу придобивки.

Освен што ќе бидете добро хидрирани, ќе ви помогне и во процесот на слабеење, бидејќи содржи многу помалку калории од сокови и други зашеќерени пијалаци. Содржи анти оксиданти, кожата ќе ви блеска, а самиот пијалак е богат со витамин Ц, Б5, К, манган и бета каротен.

Овошно смути

Најдоброто нешто за време на летниот период е огромниот избор на свежо, вкусно овошје. Измешајте неколку овошја по вкус со нискомаслено млеко, јогурт или павлака, додадете мраз, измиксирајте во блендер и уживајте.

Леден чај

Заборавете на готовите пакувани ледени чаеви. Најдобра варијанта е да си направите сами. Сварете чај по вкус и добро оладете го. Додадете мраз, лимон, свежо нане и други вкусни додатоци кои ќе го зачинат чајот со дополнителна нота освежување.

Безалкохолна сангрија

Познато е дека алкохолот дополнително ја крева температурата, па доколку сакате да се освежите со овој традиционален шпански пијалак тогаш избегнете ја оваа состојка.

Измешајте јаболка, портокали, лимони и ситно црвено овошје. Основата на пијалакот нека биде сок од грозје, капини или вишни. Добро оладете пред послужување.

(О)Милена | Црнобело