Брзо и едноставно: Чоколадна торта без јајца, млеко и путер

Во последно време сè почесто имаме можност да погледнеме брзи и едноставни рецепти кои употребуваат само две или три состојки или се подготвуваат во микробранова.

На социјалните мрежи се појави еден нов невообичаен рецепт кој со сигурност ќе посакате да го пробате.

Идеален е тогаш кога се брзате, сакате да подготвите некој десерт, а немате ништо дома.

Овој рецепт не е направен од традиционалните состојки за подготовка на десерт, како јајца, млеко или путер.

Потребни состојки:

• 1 - ½ шолја брашно
• 3 лажици какао во прав
• 1 шолја шеќер
• 1 лажичка сода бикарбона
• ½ лажичка сол
• 1 лажичка јаболков оцет
• 1 лажичка екстракт од ванила
• 5 лажици сончогледово масло
• 1 шолја вода

Подготовка:

Однапред загрејте ја рерната на 180 степени. Тавата за печење поминете ја со малку масло за да не се лепи колачот, сите состојки ставете ги заедно, измешајте ги и ставете ги да се печат.

По 35 минути извадете ја тавата од рерна и уживајте во вашиот нов омилен десерт.

Н. Г. | Црнобело