Забавно видео на Јелена Спенџарска за шопингот со мајките: „Не фаќај ништо, ќе треба да плаќаме ако скршиш“
- Детали
- четврток, 14 март 2024
„50 евра за скинати фармерки? Јас ќе ти ги скинам дома без пари!“ - Јелена Спенџарска долови неколку реални ситуации кога одите во шопинг со својата мајка. Дали ќе се препознаете во нив?
Водителката и инфлуенсерка Јелена Спенџарска на Инстаграм објави забавно видео и покажа како изгледа шопингот на тинејџерките кога одат со мајките.
Низ неколку реални ситуации, додека шета низ продавници, таа на интересен начин ги опиша скоро сите мајки и нивните деца:
„Што е ова?“
„Crop top“.
„А каде е другата половина? На пола цена е зашто другата пола ја нема?“
„Го сакаше овој фустан“, прашува таа, ја погледнува цената, па вели: „Чекај ги летните попусти“.
Кога оди во делот со лесно кршливи производи вели:
„Сега тука немој да фаќаш ништо. Ако го скршиш треба да плаќаме!“
„Мајката“ не се сложува ни со изборот на фармерки на ќерка си.
„50 евра за скинати фармерки? Јас ќе ти ги скинам дома без пари!“ - вели таа.
„Немој ни да си помислила да јадеме тука, храна има дома!“ - e уште една ситуација во која се нашол секој барем еднаш.
Нејзините следбеници се препознаа во скоро сите ситуации. Едни пишуваат дека токму вака изгледа кога ќе излезат до децата, други дека во срж го прикажала шопингот на мајките со децата.
„Ова со храната е врв“, „Не знам дали е наследно, порано мајка ми беше таква - денес сум јас“, ѝ коментираат на Јелена.
Погледнете го видеото:
А. Ј. | Црнобело
Би можело да ве интересира:
Препорачуваме
Најчитани неделава
