Возбудливи крими трилери кои не смеете да ги пропуштите оваа есен

„Помислата дека имате добра книга за читање пред да одите в кревет, се вбројува помеѓу највозбудливите задоволства“ рекол Набоков.

Па доколку сте подготвени за вистинско, возбудливо задоволство, не смеете да ги пропуштите следните три, одлични трилери.

Оваа есен задолжително одвојте време за:

Црвеношијка – Ју Несбе

1944: Во рововите кај Ленинград загинува норвешкиот доброволец Даниел Гудесон. Во една виенска болница еден ранет војник се претставува како Даниел. Тој се вљубува во убавата болничарка Хелена.

1999: Поради неусогласеност на службените информации, Хари Хуле ќе застрела еден припадник на американската тајна служба при посетата на американскиот претседател на Норвешка.

За да се забошоти инцидентот, Хуле е префрлен во полициската служба за безбедност, каде што самоиницијативно се зафаќа со проверка на информации за шверцување на оружје, поврзани со неонацистите.

Очи на темнината – Дин Кунц

Кинески научник по име Ли Чен избега од Кина во Соединетите Американски Држави и со себе донесе дискета со записи за најважното и најопасното ново кинеско биолошко оружје во целата деценија.

Материјалот го викаат ’Вухан-400‘, бидејќи е развиен во нивните лаборатории за рекомбинирање што се наоѓаат околу градот Вухан…

Нешто во водата – Кетрин Стедман

Колку далеку би отишле за да бидете вистински среќни?

Ерин го сака Марк и Марк ја сака Ерин. Нивната љубов е една од оние фанатичните, кои горат силно, љубов каде ништо друго не е важно.

Но кога приказната почнува, тие двајца се во шума; едниот од нив е мртов, а другиот копа гроб. Што ли се случило? Има само еден начин да дознаете…

(О)Милена | Црнобело