Која е убавата Русинка која го заведува Петар Мараш во „Јужен ветер“?

Детали

среда, 05 април 2023

Која е Оксана Акиншина, руската актерка која игра една од главните улоги во новата сезона од серијата „Јужен ветар“ и го заведува Петар Мараш (Милош Биковиќ)?

Штотуку заврши прикажувањето на втората сезона на хит-серијата „Јужен ветер“, а фановите веќе со нетрпение ги очекуваат и следните продолженија.

„Јужен ветер“ преку ноќ стана регионален феномен. Првиот филм, а потоа и серијата, ја привлече публиката од целиот Балкан.

Со вториот дел, продуцентите отидоа чекор понатаму, па освен Милош Биковиќ и Миодраг Радоњиќ, кои се заштитен знак на „Јужен ветер“, овојпат за серијата ангажираа и двајца холивудски актери - Ерик Робертс, братот на Џулија Робертс, и Вилијам Болдвин.

Но, подеднакво внимание во новата сезона предизвика и руската актерка Оксана Акиншина, која го глуми ликот на Лариса.

Русокосата Русинка Лариса, која го заведува Петар Мараш (Милош Биковиќ), ја одбележа последната сезона на „Јужен ветер: Забрзување“ (Јужни ветар: Убрзање).

Која е актерката Оксана Акиншина, Русинката која има една од клучните улоги во новата сезона на серијата?

Оксана и Милош Биковиќ се долгогодишни пријатели и негова била идејата таа да се вклучи во „Јужен ветер“.

Тие глумеле заедно во популарниот руски трилер „Кукли“, филм работен според истоимениот роман на наградуваниот руски писател Сергеј Минаев.

Оксана има 36 години. Во светот на глумата влезе на 12 години, а дебитираше со филмот „Сестри“.

Сепак, таа стана најпозната во филмските кругови со нејзината улога во филмот „The Bourne Supremacy“ од 2004 година, каде го играше ликот на Ирина Нескаја и глумеше со холивудскиот актер Мет Дејмон.

Оксана важи за една од најпознатите руски актерки. Досега снимила преку 30 филмови и серии, а глумеше и во серијата „Chernobyl: Abyss“ која беше хит на Нетфликс.

Еден од нејзините најпознати проекти е трилогијата „8 First Dates“, „8 New Dates“ и „8 Best Dates“.

Руската актерка зад себе има два брака – со бизнисменот Димитриј Литвинов и со филмскиот продуцент Арчил Геловани.

Од првиот брак го има синот Филип, а од вториот синот Константин и ќерката Ема.

А. Ј. | Црнобело