Со првата се ожени затоа што мораше, а со втората затоа што ја сака: Кои се двете сопруги на Мајкл Џордан?

Детали

понеделник, 10 јули 2023

Со првата сопруга се оженил набрзина во Лас Вегас, откако таа останала бремена и го барала преку адвокати, а со втората приреди луксузна свадба вредна 10 милиони долари. Разводот со првата сопруга го плати скапо, но затоа со втората ја научи лекцијата. Кои се двете сопруги на Мајкл Џордан?

Кошаркарската легенда Мајкл Џордан (60) бил во брак двапати. Со првата сопруга Хуанита Ваној (64) беше во брак од 1989-та година, а се разведе во 2006-та година и ѝ плати вртоглави 168 милиони долари, а набрзо потоа ја запозна својата втора сопруга Ивет Прието (44), со која е неразделен.

Во продолжение неколку интересни факти за двете сопруги на Мајкл Џордан:

Од првиот брак со Хуанита, Мајкл има три деца: Џефри (34), Маркус (32) и Џесмин (30), а нивниот брак никогаш не беше совршен.

Пред да го запознае Мајкл, Хуанита работела како модел и како банкар. Тие се запознале во ресторан кога кошаркарот имал само 25 години и две години биле во врска, а во 1987-ма година Мајкл ја побарал за сопруга, но набрзо потоа се разделиле.

Набрзо по раскинувањето на свршувачката Хуанита дознала дека е бремена со првото дете, па преку адвокат барала кошаркарот да преземе одговорност за неа и за детето.

Во 1989-та година, Мајкл и Хуанита стапиле во брак во Лас Вегас, а низ годините во таблоидите честопати имаше написи дека кошаркарот ја изневерува сопругата со голем број девојки.

Тој и Хуанита првпат најавија дека се разведуваат во 2002-ра година, но набрзо потоа се смирија. Ова траеше сѐ до 2006-та година, кога пензионираната НБА ѕвезда го плати најскапиот развод во тоа време и ѝ плати на поранешната сопруга вртоглави 168 милиони долари, потроши околу 2 милиони долари за легални трошоци и ѝ остави луксузна палата.

Набрзо по разводот со Хуанита, Мајкл ја запозна својата втора сопруга со која е неразделен. Ивет е 15 години помлада од кошаркарската легенда, таа е модел со потекло од Куба, која пред да го запознае својот славен сопруг позирала за Alexander Wang.

Таа e родена во Куба во 1979-та година и живеела во малото гратче Кендал во близина на Мајами, а завршила факултет за бизнис менаџмент и работела кратко за компанијата на татко ѝ пред да одлучи да работи како модел.