Гал Гадот 2 години служела во израелската војска: „Се пријавив на 20 години, научив да пукам во воен камп и трчав по 12km дневно“
- Детали
- недела, 15 октомври 2023
Актерката Гал Гадот, пред да стане холивудска ѕвезда, била избрана за Мис Израел. Но, решила високите потпетици да ги замени со војнички чизми и се пријавила во војска во нејзиниот роден Израел, каде што останала 2 години. Како изгледала нејзината обука?
Гал Гадот од Израел е суперхерој на екранот, но и во приватниот живот. Малкумина знаат дека холивудската ѕвезда, пред да ја почне својата актерска кариера, поминала 2 години во војска, од 2005 до 2007 година.
Гадот била дел од Израелските одбранбени сили, каде што била инструктор по борење.
Иако никогаш не била директно вклучена во воените акции, таа вели дека службата во војската ѝ помогнала да научи многу за дисциплината и почитта.
„За да станам инструктор по борење, поминав тежок тренинг кој траеше 4 месеци.
Секое утро станувавме пред изгрејсонце и трчавме по 12 километри.
Зависно од тренингот, некогаш беше едноставно, но некогаш трчавме и со полна опрема“, изјави актерката во едно интервју.
Гал имала само 20 години кога се пријавила да служи војска.
Воената обврска е задолжителна во Израел, дури и за жените, а Гадот вели дека не чекала да добие покана од државата, туку се пријавила самата.
„Во еден момент се натпреварував за Мис на Израел (во 2004), а во следниот, веќе носев униформа и учев како да ракувам со пушка.
Учев и боречки вештини, кои подоцна им ги пренесував на новите војници.
Потоа, бев и фитнес инструктор, а војниците ме обожаваа бидејќи не бев строг инструктор“, вели таа.
Таа беше дел од одбранбените сили и во времето на израелско-либанскиот конфликт во 2006 година, кој траеше 34 дена.
Но, нејзиниот живот ни не бил загрозен, бидејќи времето го поминувала во воениот камп, а не на терен.
Во армијата Гал се стекнала со чин наредник.
Во едно скорешно интервју, актерката откри дека воениот тренинг ѝ помогнал многу за улогите во Wonderwoman и во Heart of Stone, каде што глуми таен агент.
„Мора да признаам дека воениот тренинг беше полесен отколку подготовките што ги имав за улогата во Wonderwoman. Тогаш тренирав секој ден по шест часа, што беше вистинско исцрпување.
Но, војската ме научи на дисциплина, почит и најважно дека групата и доброто на сите е поважно од она на поединецот“, откри таа.
А. Ј. | Црнобело
Би можело да ве интересира:
Препорачуваме
Најчитани неделава
