Славни жени кои отворено зборуваа за траумата од нивните спонтани абортуси

Детали

недела, 21 јануари 2024

Меган Маркл откри дека имала спонтан абортус додека го држела својот син Арчи, кој таа и принцот Хари го добија во мај 2019 година. Меган добила остар грч, паднала со детето во рацете, потпевнувајќи приспивна песна за и двајцата да останат смирени. Веселата мелодија била контраст со нејзиното чувство дека нешто не е во ред...

Губењето на неродено дете не е тема која често се дискутира. Повеќето случаи на рана загуба се јавуваат во првото тримесечје, пред дванаесеттата недела од бременоста.

Но, не е голема реткост абортусот да се случи и во второто тримесечје, помеѓу 13-та и 19-та недела.

Во многу случаи, ваквата загуба се чува во тајност од блиските и пријателите, иако емоционалниот товар е доста голем. Во такви моменти, жените доживуваат голема траума и честопати им треба повеќе време додека заздрават.

Во однос на оваа тема, одредени познати личности ја „извадија од сенка“ и отворено прозбореа за нивните искуства:

Меган Фокс

Во својата поетска книга од 2023 година, актерката напиша за прекинот на бременоста во 10-тата недела, со нејзиниот вереник, пејачот Машинг Ган Кели. Стиховите цитирани во People магазинот, вклучуваат: „Сакам да те држам за рака, да ја слушнам твојата смеа“, но и „но сега морам да кажам збогум“.

Меган исто така за WWD изјави дека пред неколку години имала и ектопична бременост. Тоа е кога оплодената јајце клетка се имплантира на друго место, а не во матката.

Таа има три деца од бракот со колегата актер, Брајан Остин Грин.

Џеси Џеј

Откако имала спонтан абортус во 2021 година, кога била сингл, британската пејачка изјави дека се чувствувала целосно осамена. Неколку месеци подоцна, таа сè уште ја чувствувала загубата.

„Знаев дека причината зошто се случи тоа, беше затоа што не требаше да го сторам тоа сама… Треба да најдам некој што го сака ова, исто како и јас“, изјавила таа.

Вокалистката на „Bang Bang“ се присетила на утрото кога не се чувствувала добро, па отишла на лекар за проверка на бременоста.

„Сè уште имав многу интензивни гадења, но знаев дека нешто не е исто“, вели таа.

Откако докторот ѝ направил проверка, таа вели дека преовладувала страшна тишина…

Џеси доби машко бебе во мај 2023 година, со партнерот Сафир Корниш Колман.

Бритни Спирс

Само еден месец откако објави за нејзината бременост со тогашниот сопруг Сем Ашгари, поп-принцезата повторно се огласи на својот Инстаграм профил, овој пат споделувајќи дека имала спонтан абортус.

„Со длабока тага објавуваме дека го загубивме нашето бебе во раната бременост“, напиша таа во мај 2022 година.

Таа исто така спомена дека не чекале многу време за да објават дека е бремена, нешто што го прават многу парови, туку дека биле возбудени уште од почеток да ја споделат добрата вест. Двојката се раздели во август 2023 година.

Бритни е мајка на два сина, Шон и Џејден, од поранешниот сопруг Кевин Федерлајн.

Меган Маркл

Меган Маркл откри дека имала спонтан абортус додека го држела својот син Арчи, кој таа и принцот Хари го добија во мај 2019 година. Меган добила остар грч, паднала со детето во рацете, потпевнувајќи приспивна песна за и двајцата да останат смирени. Веселата мелодија била контраст со нејзиното чувство дека нешто не е во ред...

„Додека го држев своето првородено дете, знаев дека го губам второто“, напиша таа.

Војвотката е мајка и на ќерката Лилибет, која е родена во 2021 година.

Продолжува на следната страница...