Внукот на Мајкл Џексон е копија на својот славен вујко: Го глуми на филм, ги имитира движењата на пејачот
- Детали
- среда, 14 февруари 2024
„Мајкл и Џафар не се само физички слични еден на друг, туку имаат ист став, енергија, движењата им се исти... Не постои некој што подобро може да го долови Мајкл од неговиот внук“, велат продуцентите на биографскиот филм за Мајкл Џексон, кој ќе има премиера во 2025-та.
Во САД е во тек снимањето на биографскиот филм Michael за кралот на поп-музиката, Мајкл Џексон, а главната улога ја игра неговиот внук, Џафар Џексон.
Во јавноста веќе се појавија неколку фотографии од филмот и коментарите се дека Џафар е копија на својот славен вујко - од физичкиот изглед, до движењата кои тој целосно ги имитира во филмот.
„Патувањето започна“ - стои на официјалниот Твитер профил посветен на Мајкл Џексон, на кој беше објавена првата фотка.
The journey has begun….#MichaelMovie pic.twitter.com/7HB7G0sJ09
— Michael Jackson (@michaeljackson) February 13, 2024
„Мајкл и Џафар не се само физички слични еден на друг, туку имаат ист став, енергија, движењата им се исти... Не постои некој што подобро може да го долови Мајкл од неговиот внук“, велат продуцентите на филмот.
Џафар на својот Инстаграм профил има само две фотографии, споделени во јануари 2023, кога почна продукцијата на филмот, па многумина на прво гледање не беа сигурни дали го гледаат Џафар или се тоа стари фотографии од Мајкл, бидејќи се идентични.
„Почестен сум што ќе ја оживеам приказната за мојот вујко Мајкл. Се гледаме наскоро“, стои во описот на фотографијата.
Биографскиот филм ќе ја раскаже приказната за четири-децениската кариера на Мајкл, од времето на Jackson 5, преку деновите на најголемата слава, па сè до неговите последни снимени песни.
Џексон почина на 50-годишна возраст во 2009 година, од случајна предозираност од препишани лекови.
Филмот, чие снимање е во тек, ќе ја има својата премиера на 18 април 2025.
🎬 | Jaafar Jackson & Michael Jackson #MichaelMovie pic.twitter.com/JzUDNj3FsI
— Victor ✨ (@Northen93) February 13, 2024
А. Ј. | Црнобело
Би можело да ве интересира:
Препорачуваме
Најчитани неделава
