Зошто децата на принцот Хари и Меган Маркл нема да носат титула на принц и принцеза?

Детали

вторник, 28 ноември 2017

Принцот Хари и Меган Маркл вчера конечно објавија дека се официјално верени, а свадбата ја очекуваме во пролет, 2018-та.

Тие вчера го направија првото јавно појавување на кое Меган го покажа вереничкиот прстен и го имаа првото заедничко интервју во кое открија детали за запросувањето.

Па, според ова, нормално е да помислиме и на децата кои парот во иднина ќе ги има, како и на нивните титули. 

Децата кои принцот Хари и Меган ќе ги имаат, нема да носат титула на принц//принцеза, туку ќе бидат лорд/леди, освен ако кралицата не се вмеша.

Титулите во британското кралско семејство се одредени од пра-пра-дедото на Хари, кралот Џорџ V-ти во 1917 година.

Според неговите правила, внуците на синовите на било кој монарх по директна машка линија (односно најстариот син на најстариот син на принцот од Велс), ќе имаат можност да ја носат таа титула.

Тоа значи дека децата на Хари и Меган нема да ја носат, освен ако кралицата Елизабета не се вмеша додека е на тронот и да направи промени исто како што направи за децата на принцот Вилијам и Кејт Мидлтон.

Нивниот син, Џорџ отсекогаш ја имал титулата на неговото височество принцот Џорџ, но Шарлот требала да ја добие титулата леди.

За време на бременоста на Кејт во 2012, кралицата направила промени, изјавувајќи дека сите деца на најстариот син на принцот од Велс треба да ја носат кралската титула која ја заслужуваат, односно принц и принцеза.

Останува да видиме дали истото ќе го направи и за другиот син Хари и неговите деца. 

М. М. | Црнобело