„Вредеа тренинзите, потта и солзите“ – Македонската каратистка која испиша историја на Олимписките игри
- Детали
- четврток, 05 август 2021
„Колку вредеше, сите овие години, тренинзи, пот, солзи, повреди, неправди“ - вели Пулексенија Јованоска, каратистката која со години реди спортски успеси, а сега нè направи горди пред светот со успехот кој го постигна во Токио. Браво!
Пулексенија Јованоска е првата македонска каратистка што воопшто се натпреварувала на Олимписки игри и иако заврши на деветтото место, сепак е горда со сопствените успеси со кои ја направи горда нашата земја.
Таа освои 23,80 поени во првото и 24 поени во второто коло, што не беше доволно да се пробие меѓу првите три места, кои обезбедуваа натамошен пласман, но постигна најдобар личен резултат.
Јованоска изјави дека е горда на својот настап и поради фактот што беше дел од испишувањето на новата историја на македонското карате на Олимписките игри. Таа денес на Фејсбук напиша:
„Каков ден. Испишав историја за македонското карате. Мојот сон реалност. Олимписки игри - Токио 2020. Колку вредеше, сите овие години, тренинзи, пот, солзи, повреди, неправди... Презадоволна од се што дадов на татамите! Привилегија е што бев дел од оваа приказна, завршив на 9-тата позиција. Прво коло 23.80. Второ коло 24.00 (мој најдобар резултат). Горда на себе за секоја секунда помината во сала сите овие години!“
9th place at the Olympic Games 🎌 What a Day 🎉I made History for 🇲🇰 karate 🤞 МОЈОТ СОН РЕАЛНОСТ ОЛИМПИСКИ ИГРИ -...
Posted by Puleksenija JOvanoska on Wednesday, August 4, 2021
Прилепчанката Пулексенија Јованоска во 2019-тата беше избрана за Спортист на годината во изборот на Агецијата за Млади и Спорт во соработка со медиумите во државата.
Таа е носител на меѓународни медали, а годинава се избори да биде претставник на Македонија на Летните Олимписки игри што се оддржуваат во Токио, Јапонија.
„Пулексенија Јованоска со многу добра изведба на двете кати во квалификациите на Олимписките игри го освои 9-тото место, во конкуренција на 10-те најдобри каратистки од целиот свет“, пишува на страницата на МОК на Facebook.
Македонската каратистка Пулексенија Јованоска ноќва го имаше својот настап на Олимписките игри во Токио. Јовановска на...
Posted by Makedonski Olimpiski Komitet MOK on Thursday, August 5, 2021
Инаку, годинава за првпат во рамки на летните олимписки игри беа воведени и натпреварите во карате, со тоа Пулексенија е првите македонски каратистки што воопшто настапиле на олимпијада.
Таа ја вивна Македонија меѓу десетте најдобри земји во спортот и е нашата спортска гордост! Браво!
Погледнете повеќе фотографии од Пулексенија во продолжение:
https://www.instagram.com/p/BprylqHnIep/?utm_source=ig_web_copy_link
Б. С. Б. | Црнобело
Би можело да ве интересира:
Препорачуваме
Најчитани неделава
