Заедно се од деца и таа му е најголема поддршка – Сопругата на Меси се огласи по неговото заминување од Барселона
- Детали
- понеделник, 09 август 2021
„Со семејството како основа, повторно ќе излеземе на теренот, посилни од кога било... Да одиме каде и да одиме заедно и секогаш напред“ – порача меѓу другото сопругата на Лионел Меси по шокантните вести дека тој по 21 година ја напушта Барселона.
По 21 година поминати во клубот во кој ја започна својата кариера, Лионел Меси заминува од Барселона. Со солзи и тага, Меси се прости од своите обожаватели, а неговата сопруга Антоанела Рокуцо на Инстаграм објави емотивна порака во знак на поддршка на сопругот.
До фотографијата на која се гледаат таа, Меси и нивните три сина Тијаго, Матео и Чиро до големиот број трофеи за кои Меси дал свој придонес во клупската кариера во Ф.К. Барселона, Антоанела напиша:
„Колку е тешко да се соберат во неколку реченици сите години што ги проживеавме! Толку многу емоции што оставиле белег засекогаш во нашите животи. Но, како што вели изреката: ‘Што нема да нè убие, само ќе не направи посилни’. А со семејството како основа, повторно ќе излеземе на теренот, посилни од кога било... Да одиме каде и да одиме заедно и секогаш напред“.
Антоанела Рокуцо и Лионел Меси се познаваат уште од 5-6-годишна возраст. Тие се во брак од 2017-тата година и имаат три деца, а две од нив ги добија уште да стапат во брак.
Инаку, Антоанела е позната како скромна беспрекорна убавица, која му е најголема поддршка на Меси. Таа има 16 милиони следбеници и постојано објавува фотографии од нивниот семеен живот.
Погледнете дел од фотографиите на Антоанела:
Б. С. Б. | Црнобело
Би можело да ве интересира:
Препорачуваме
Најчитани неделава
