„Мојата 6-месечна ќерка е милионер - кога ќе порасне нема да знае како ги заработила парите“

Детали

понеделник, 23 октомври 2023

„Парите законски мора да бидат ставени на штедна сметка за деца. Ќерка ми нема да знае од каде дошле парите што ги заработила“ – вели мајката на 6-месечната Луа, која е инфлуенсерка на Инстаграм со заработка од еден милион бразилски реали, или над 186.000 евра во првите 6 месеци од животот.

Бразилската блогерка Виа Туб има над 30 милиони следбеници на Инстаграм, а одлучила и нејзината ќерка, Луа, да добие свој профил на социјалната мрежа. Како што вели, ова се покажало како одлична одлука затоа што малата Луа веќе заработила 1 милион бразилски реали (186.600 евра) од снимање рекламен материјал со мајка ѝ.

Бебето Луа веќе има над 2 милиони следбеници на профилот под името @pequenalua (Мала Месечина), а учествувала во рекламни кампањи за повеќе познати брендови за деца.

Мајка ѝ, Виа тврди дека парите ги става во посебна банкарска сметка, а дел вложила во посебен бренд за облека за деца Baby Tube.

Но, како што вели, загрижена е заради раниот успех на ќерка ѝ, затоа што таа нема ниту да се сеќава од каде дошле сите пари.

„Ќе ѝ покажам дека сѐ стекнала со работа. Ќе се потрудам таа да добие финансиско образование, затоа што е родена со голем број привилегии. Признавам дека сум загрижена, но истовремено сум и поспокојна за нејзината иднина“ – вели таа.

Според бразилските закони, парите што малата Луа ги заработила мора да бидат ставени на детска штедна сметка и тоа е задолжително за сите инфлуенсери што сакаат нивните деца да бидат дел од рекламни кампањи.

Инаку, Виа редовно објавува фотографии од бебето Луа на нејзиниот Инстаграм профил.

Погледнете дел до нив:

Б. С. Б. | Црнобело