Креативна идеја на македонска блогерка – сушени портокали како лампиони за новогодишна елка (фото)
Теа Трповска е македонска блогерка чија пасија е готвењето, или како што стои во нејзиниот опис на Инстаграм – печењето леб. Hygge е нејзиниот стил на живот, а таа е неверојатно креативна личност чии прсти создаваат магија.
Овојпат таа сподели одлична, креативна идеја за претстојните празници – сушени портокали кои ќе ги заменат лампионите на новогодишната елка.
Покрај аспектот што овие „лампиони“ се еко-пријателски, тие се и многу декоративни и мирисливи. Изгледаат прекрасно, а аромата ќе ги привлече апсолутно сите кон вашата елка или божиќна гранка.
„Рецептот“ за лампионите портокали изгледа вака:
- Портокалите исечете ги на тркалца.
- Со кујнска хартија, натапкајте ги парчињата портокали за да излезе барем малку течноста од нив.
- Наредете ги на тавче за печење, обложено со хартија за печење и ставете ги во рерна да се печат/сушат на 150 целзиусови степени, од 2 ипол до 3 часа (во зависност од рерната).
- Портокалите треба да бидат исушени и тврди. Потоа, направете едно дупче со игла и протнете врвца.
(О)Милена | Црнобело
Би можело да ве интересира:
Идеја од креативна Македонка – како да направите сами држач за велигденски јајца?
Креативна Македонка која живее во Холандија со видео постапка покажува како со д...
Препорачуваме
Најчитани неделава
