Не сака да вработува жени, нема да им остави пари на децата – Факти за контроверзниот Гордон Ремзи

Во брак е 26 години, но постојат гласини дека имал афери со три жени. Сопственик е на 50-тина ресторани, а вели дека мрази да вработува жени бидејќи кога биле бремени, не можел да им се дере. Факти за Гордон Ремзи (и неговите најголеми скандали).

Гордон Ремзи е еден од најпознатите готвачи во светот, но и еден од поконтроверзните.

Покрај лошиот однос со учесниците во неговите готвачки шоуа, готвачот може да „се пофали“ и со неколку контроверзни изјави со кои ја згрози јавноста.

Неколку факти за Гордон Ремзи:

Во детството сонувал да стане фудбалер

На 15-годишна возраст, готвачот станал дел од фудбалскиот клуб Glasgow Rangers и целосно се посветил на спортот.

Но, по три години, си го повредил коленото, по што бил принуден да се откаже од соништата.

Потоа се фокусирал на хотелскиот бизнис и бил дипломиран хотелски менаџер пред да стане готвач.

Станал главен готвач на само 27 години

Откако го изучил кулинарскиот занает од неколку познати готвачи, на 27-годишна возраст, Гордон станал главен готвач на новоотворен ресторан во Лондон.

Во период од само три години, ресторанот добил две Мишелин ѕвезди благодарение на Гордон.

Сопственик е на 58 ресторани

Гордон Ремзи има ресторани во Англија, Кина, САД и Малезија, а дел од нив имаат и Мишелин ѕвезди.

Извесен период беше готвач со највисока заработка

Покрај бројните ресторани, Гордон има и неколку кулинарски шоуа, како Hell’s Kitchen и Kitchen Nightmares.

Со сето ова, на врвот на кариерата, Гордон заработуваше над 150 милиони долари годишно.

Во брак е 26 години

Гордон Ремзи и неговата сопруга Тана се во брак речиси три децении.

Тие имаат и пет деца, од кои најмалото се роди во 2019-та.

Готвачот откри дека со сопругата планираат и шесто.

Не планира да им остави ништо на децата

Богатството на Гордон Ремзи се проценува на над 200 милиони долари.

Но, во 2017-та, тој изјави дека не планира да им остави ништо на децата.

„Моите пари дефинитивно нема да одат кај нив. И, ова не е бидејќи сум злобен, туку не сакам да ги разгалам.

Единствено, со сопругата се согласивме дека ќе им покриеме 25% од сумата што ќе им биде потребна да си купат стан, но ние нема да им купиме цел стан“.

Дејвид Бекам му е еден од најдобрите пријатели

Дејвид и Гордон се пријатели со години. Всушност, тие се толку блиски, што планирале да отворат и заеднички ресторан.

Тие се семејни пријатели, а Гордон има изјавено дека неговите деца имаат забрана да бидат во врска со кое било од децата на Бекамови.

На следната страница скандалите што Гордон Ремзи сака да ги заборавиме…