Сопругот ја изневерувал со мажи, се предозирала: Трагичниот живот на принцезата Маргарет, сестрата на Елизабета

Не ѝ дозволиле да се венча со љубовта на нејзиниот живот, сопругот ја изневерувал и со мажи, и со жени, а поради лошите животни навики, ѝ бил отстранет белиот дроб. И покрај тоа што била принцеза, животот на Маргарет, сестрата на кралицата Елизабета, бил исполнет со трагедии.

Принцезата Маргарет е помладата и единствена сестра на кралицата Елизабета Втора.

За разлика од сестра ѝ, животот на Маргарет беше исполнет со скандали, но и многу трагедии.

Маргарет немала среќа во љубовта, а пушењето и редовното консумирање алкохол и секакви лекови, на некој начин, ја чинело живот. Таа починала во 2002 година на 71-годишна возраст, по мозочен удар.

Неколку факти за бунтовната принцеза Маргарет:

Родена е на 21 август 1930 година во Шкотска

Кога Маргарет имала пет години, нејзиниот чичко – Едвард VIII – стана крал на Англија, но набрзо се откажа од тронот за да се венча со Волис Симпсон.

По ова, на тронот седна нејзиниот татко, кралот Џорџ VI. Со ова, сестра ѝ Елизабета стана првата наследничка на тронот, а Маргарет – втората.

Немала соодветно образование и од мала била бунтовна

И покрај тоа што како членови на кралското семејство имале пристап до најдоброто образование, мајката на Маргарет не сакала таа и Елизабета да трошат време на учење.

Таа сакала нејзините ќерки да бидат „учтиви млади девојки“, па Маргарет всушност не добила соодветно образование.

Од друга страна, татко ѝ ја разгалувал, а ова ѝ дало можност на Маргарет да ја покаже својата бунтовна страна уште во детството.

Била најубава девојка од кралското семејство

Маргарет честопати ја засенувала сестра ѝ Елизабета и со динамичниот карактер, но и со изгледот.

Ја сметале за најубавата жена од кралското семејство, била модна икона и станала препознатлива по сините очи и тенката половина, која наводно имала обем од 45 сантиметри.

Кралицата не ѝ дозволи да се венча со љубовта на нејзиниот живот

Маргарет имаше афера со Питер Таунсенд – британски офицер кој беше 15 години постар од неа.

Питер се разведе од сопругата со надеж дека ќе биде со Маргарет.

Тој ја побара за жена во 1953-та, кога Маргарет имаше 23 години.

Но, Елизабета не го одобри нивниот брак и тие беа присилени да се разделат.

Се венча со фотограф

Во 1958 година, Маргарет го запозна фотографот Ентони Армстронг-Џонс.

Веќе следната година, тој ја побара за жена и се венчаа во 1960-та.

Бајковитата венчавка беше главна тема на зборување во Англија, но на настанот не присуствуваа владетели од други монархии бидејќи не одобрувале принцеза да се венча со „обичен фотограф“.

Продолжува на следната страница...