Цитати кои сите ги знаеме, но не сме свесни дека ги изговорил Џими Хендрикс

Џими Хендрикс се смета за еден од најдобрите гитаристи во музичката рок историја. Својата кариера ја започнал на неполни 15 години, кога за 5 долари ја купил својата прва гитара и станал уличен музичар.

Кога започнал посериозно да се занимава со рокенрол, Хендрикс го превртил светот на музиката наопаку.

Креирајќи сопствена верзија на психоделичен рок, хард рок и блуз, иако бил водечкиот член на бендот The Jimi Hendrix Experience, всушност останал запаметен само тој - толку бил уникатен и вонсериски.

Неговата музика била иновативна, како и текстовите. Многу од неговите стихови се едни од најчесто изговорените цитати на денешницата. Прочитајте за кои станува збор:

„Кога силата на љубовта ќе ја надмине љубовта кон силата, тогаш светот ќе го запознае мирот.“

„Моментот кога ја запалив гитарата, беше како жртвување. Ги жртвуваш работите што ги сакаш. Јас ја сакам мојата гитара.“

„Блузот е лесен за свирење, но тешко е да го почувствуваш.“

„Музиката е мојата религија.“

„Знаењето зборува, но мудроста слуша.“

„Музиката е најбезбедната дрога.“

„Ако сум слободен, тоа е бидејќи постојано сум во трка.“

„Имагинацијата е клучот до моите текстови. Останатото е направено со малку научна фантастика.“

„Толку многу пати ме имитираа луѓето, што дури ги копираа и моите грешки.“

„Ќе фрлам клетва врз тебе и сите твои деца ќе се родат целосно голи.“

„Музиката не лаже. Ако постои нешто што може да се промени во овој свет, тоа може да се случи единствено преку неа.“

„Треба да продолжиш понатаму и да лудуваш. Лудоста е како рајот.“

„Знам дека не сум совршен и не живеам за да станам. Но, пред да го впериш прстот во мене, биди сигурен дека ти се чисти рацете.“

„Приказната за животот е побрза и од едно трепнување на окото, приказната за љубовта е здраво – збогум.“

„Извинете ме додека го бакнувам небото.“

„Смислив своја мала изрека: кога работите стануваат тешки, едноставно биди хелиум – најлесниот елемент којшто постои.“

(О)Милена | Црнобело