Плукаат за среќа, носат амајлии против уроци и уште 10 чудни суеверија во кои веруваат Грците

Плукаат за среќа, избегнуваат свадба во престапна година, носат амајлии за среќа, не наздравуваат со кафе - некои од овие суеверија се познати и кај нас, но други се препознатливи само за Грците. 

Грција е земја богата со култура и традиција, но некои обичаи и денес се пренесуваат од генерација на генерација. 

Суеверијата се пренесуваат од баби и дедовци... Во различни региони низ Грција, верувањата, обичаите и традициите малку се менуваат, но повеќето се исти низ целата земја. 

Погледнете некои од најчудните суеверија во кои Грците веруваат и денес:

Око-амајлија против уроци

Едно од најголемите суеверија во Грција, но и во многу други земји во регионот, е дека некој може да ве урочи од љубомора или ако ви даде комплимент.

Тој што ќе го урочат, може да се разболи, да му се случи несреќа, штета, а понекогаш е можна и дури и смрт. За да се одвратат од какво било проклетство, луѓето носат сина стаклена амајлија во вид на око.

За да се отстрани клетвата, тој што е урочен обично бара постара жена (мајка, тетка, дури и свештеничка) да му изрецитира тајна молитва. Други техники вклучуваат плукање или фрлање сол преку рамото.

Плукање за среќа

Се верува дека плукањето или само звукот на плукање (пу, пу, пу) секогаш мора да се направи три пати бидејќи ја претставува Светата Троица. Ова штити од проклетството на злото око.

Често некој вели „пу, пу, пу“ кога ќе слушне и за нечија мизерија или несреќа за да се заштити себеси или своите најблиски од тоа.

Ова најчесто се поврзува со бебињата, кога луѓето испуштаат звук на плукање за да го заштитат детето од какви било уроци.

Никогаш никому не му подаваат нож

Грците веруваат дека луѓето никогаш не треба да даваат нож директно во раката на друг човек ако сакаат да останат пријатели.

Наместо тоа, тие го ставаат ножот на масата и му дозволуваат на другиот сам да го земе.

Никогаш не подаруваат парфем

Грција има чудно табу да не се подарува некому парфем, бидејќи се смета дека тоа ќе уништи секаков вид на врска.

За да се спротивстави на ова, примателот на подарокот на давателот му дава паричка за возврат.

Моќта на солта

Според грчката традиција, најлесно ќе натерате некого да ја напушти вашата куќа ако фрлите малку сол зад него.

Се верува и дека малку сол попрскана на вратата од секоја соба пред да се вселите во домот ја брка секоја зла енергија.

Свадбени бонбони

Традицијата вели дека ако немажената жена под перница стави бонбони што ги дели невестата на свадба, таа ќе го сонува мажот со кој ќе се омажи.

Уште 6 суеверија на следната страница...