Најмладиот сериски убиец во светот: На 8 години ја убил сестра му

Во 2007 година, осумгодишниот Амарџит Сада имал насмевка на лицето додека го носеле во полициска станица, во врска со убиство на новороденче. Сада, познат како најмладиот сериски убиец на светот, бил приведен по три убиства.

Амарџит Сада бил роден во сиромашно семејство, неговите родители биле работници во Бихар, Индија, а раѓањето на неговата сестра дополнително му отежнало на семејството.

Како осаменик по природа, Амарџит немал пријатели, а времето го поминувал качувајќи се по дрвја и шетајќи низ селото.

Неговиот живот добил неочекуван пресврт кога ги посетила неговата тетка со нејзината шестгодишна ќерка.

Неколку дена подоцна, тетка му и мајка му излегле од дома и од тој ден животот на Сада се сменил.

Кога тогаш 8-годишниот Сада и девојчето останале сами, најпрво тој почнал да ја штипка и да ја удира со шлаканици, а додека таа плачела, тој ги ставил рацете околу нејзиниот врат и ја задавил до смрт.

Сепак, неговите родители го заштитиле дури и откако го признал злосторството, а тој не чекал долго за да ја нападне неговата следна жртва – сестра му.

Едно зимско попладне, кога неговите родители спиеле, вниманието на Амарџит се свртело кон неговата сестра. Наводно, ја подигнал од креветчето и ја задавил до смрт.

Кога дознала мајка му и го прашала дали тој го направил злосторството, тој рекол: „Да“. На прашањето зошто, тој само одговорил: „Така“.

Но, родителите уште еднаш не го пријавиле во полиција.

Полицијата го открила Амарџит

За време на неговото последно убиство во 2007 година, Амарџит бил фатен од полицијата. Овој пат станувало збор за шестмесечно девојче.

Амарџит признал дека ја задавил и ја удрил со цигла, а потоа ја закопал. Дури и ги одвел селаните на местото каде што ја закопал.

Амарџит имал осум години кога конечно бил повикан во полиција. Наводно, бил смирен и присебен, без трошка страв и каење на лицето за она што го направил.

Полицајците биле запрепастени од сето тоа, а Сада ги одвел и на местото каде што ја закопал последната жртва – парцела зад локално основно училиште.

Тој потоа мирно продолжил да ѝ раскажува на полицијата за неговите претходни убиства.

Бидејќи во моментот на извршување на убиствата бил малолетник, тој бил испратен во дом за малолетници и задржан во изолација.

Лекарите кои го лекувале наводно рекле дека има нарушување во однесувањето, при што уживал да им нанесува повреди на другите.

Според извештаите, кога Амарџит наполнил 18 години во 2016-та, бил ослободен под нов идентитет и сега никој не знае каде се наоѓа.

До денес, тој важи за најмладиот сериски убиец во светот.

М. Ѓ | Црнобело