5 работи што ги научив од 12 мултимилионери кои не се родиле богати

Мурад Телаб е автор кој одлучил да го промени својот начин на гледање на животот и добие нов материјал за пишување на текстови. За таа цел, одбрал луѓе кои во младоста не биле богати, а подоцна создале милиони.

Еве што сè научил дружејќи се со нив:

1. Не сакале работа

Тие не беа ниту адвокати, ниту доктори, а поголемиот дел од нив немаа ниту факултетска диплома. Никој од нив немал работа со која може да се збогати. Еден од милионерите ми објасни дека постојат два начина за заработка: користење на луѓе и пари. Во првиот случај одите на работа, вредно работите, често не ја сакате ни работата, ни шефот, се трудите да ги исполните роковите, полека напредувате и тоа трае со години. Понатаму, наведе и дека е важно да се искористат времето и парите за паметно делување. Не размислувајте како муштерија, туку како инвеститор. Пронајдете што е она што сите други го избегнуваат и искористете го во своја корист.

2. Биле претприемачи

Не барале работи во кои би се вклопиле, туку создале системи кои ним им одговараат. Барале инвеститори и вредно работеле на своите идеи. Докрај верувале во своите идеи и не им било тешко да научат разни вештини и практики со кои би ја оствариле замислата. Потребен е голем труд, бидејќи идејата и креативноста не се доволни. Најдобар пример е авторката на бестселерите за Хари Потер, која со години доживувала неуспеси.

3. Поинаква филозофија

По неколку дена, веќе ми беше јасно зошто овие луѓе се таму кај што се.. Тие немаат никаква врска со стереотипите за мултимилионерите. Мошне се љубезни, галантни, излегуваат секому во пресрет, ги занимаат разни нешта, опуштени се и малите работи ги прават среќни …всушност, станува збор за сосема поинаква филозофија. Тие имаат емпатија и разбирање за другите, бидејќи и самите биле на нивно место. Можеби причината лежи во тоа што не се родиле богати.

4. Самосвесни се

Во ниту еден момент и ниту еден од луѓето со кои го поминував времето не се обиде да се прикаже себеси како совршен. Јавно ги изнесуваа своите мани и недостатоци, а за кои беа свесни дека ги имаат. Ова е клучната доблест за успех. Луѓето кои ги познаваат своите мани се стабилни, па ретко кој може да ги помести од патот по кој тргнале. Самосвесните луѓе знаат каде одат и колку можат. Покрај тоа, зрачат и со неверојатна харизма.

5. Имаат цел и смисла

Постојат силни причини поради кои тргнале по тој пат. Секој од нив имал некаква болка во животот и проблеми заради кои одлучил да биде богат. Никој од нив не го влечела желбата да има пари и моќ. Исто така, никој од дванаесетмината не стигнал на таа позиција како резултат на чиста среќа. Нивните одлуки и тешки искуства само ја стимулирале нивната пасија. Затоа нивното богатство има смисла и цел. И најчесто сите работи со кои се занимаваат придонесуваат кон светот и околината, а не се продукт на себичноста.

М. А. | Црнобело