Колку пати во денот треба да јаде кучето, мачката, папагалот...

Сите сакаме најдобро да се грижиме за нашите миленици и да ги храниме правилно, но понекогаш претеруваме сакајќи да им угодиме и ги храниме повеќе од потребно.

Еве колку пати во денот треба да јаде вашето милениче, ако сакате да го одржите здраво и активно:

Кучето се храни според расата и возраста. Оние помали кучиња кои се такви според расата или пак помали според годините треба да се хранат три пати на ден додека наполнат 6 месеци, каде оброците треба да се намалат за еден помалку доколку се работи за мало куче според возраст.

Големите или возрасните кучиња пак се хранат според нивната активност. Доколку постојано го одржувате кучето активно во текот на денот добро е да го храните со ситни меѓу оброци, во спротивно големите кучиња се хранат од еднаш до два пати во денот, но никогаш со претерување бидејќи лесно може да ја зголемат килажата.

Мачката се храни според возраста. Ако се работи за мало маче до 6 месеци во ред е да се храни и до три пати во денот, умерено. Но, кога се работи за возрасна мачка доволни се само два оброци во текот на денот, наутро и навечер.

Папагалот се храни два пати во денот, наутро и навечер или пак во текот на денот по неколку пати, но во ситни порции за да биде сит постојано.

Хрчаците се хранат еднаш дневно, навечер или наутро, зависи од тоа како го имате навикнато. Во текот на денот може да му приредите ужинка од мало парче јаболко.

Зајаците се хранат само еднаш во денот со количина на храна пропорционална со нивната големина, а доколку е мало зајачето добро е да се храни со млеко два до три пати на ден.

Доколку имате двор со трева се препорачува да го пуштате надвор почесто, тоа само знае кога му е потребна трева помеѓу оброците кои му ги давате.