6 раси на кучиња кои ќе ви пружат голема емоционална поддршка кога ќе ви биде потребна
Иако сите кучиња даваат бескрајна љубов и се одлично друштво, некои раси, како лабрадор, се поемпатични за разлика од други.
Постојат неколку раси кои ќе бидат одлично друштво во време на стрес за да ве утешат и да разберат како се чувствувате.
„Некои раси на кучиња се особено познати по тоа што даваат емоционална поддршка поради нивната пријателска, нежна, лојална и приврзана природа“, изјави британската организација за кучиња Kennel Club.
„Секако, важно е да се напомни дека однесувањето и односот на секое куче зависат од неговото тренирање, социјализација и индивидуален карактер“.
Кои раси на кучиња ја нудат најдобрата емоционална поддршка?
Лабрадор
Лабрадорите се адаптабилни и лојални придружници. Покрај нивната пријателска природа, тие се и одлични кучиња за емоционална поддршка за возрасни или деца, а погодни се и како кучиња водичи и кучиња за терапија.
Златен ретривер
Овие интелигентни, самоуверени и неверојатно пријателски расположени кучиња им даваат голема поддршка на нивните сопственици и се вистински миленици на семејството. Нивната приврзаност и мекото крзно ги прават терапевтски четириножни пријатели.
Слично како и лабрадорите, златните ретривери веќе долго време се фантастични терапевтски кучиња кои им обезбедуваат емоционална поддршка на нивните сопственици.
Малтезер
Иако станува збор за помала раса, малтезерот може да биде добра емоционална поддршка и куче придружник, особено за оние кои се помалку подвижни, поради неговата компактна големина, слатката природа и нежните карактеристики.
Тие се лесни за поврзување и сакаат да го привлечат вниманието на нивните сопственици. Негувањето на нивното меко и бело влакно може исто така да биде многу терапевтско.
Хрт
Иако одвреме-навреме покажуваат малку поголема независност, овие кучиња имаат тенденција да бидат приврзани, чувствителни и послушни, што ги прави идеално милениче за поддршка, како и најдобар пријател за нивните сопственици.
Њуфаундлендер
Овие нежни џинови се најдобрите пријатели на човекот со векови и тие всушност имаат инстинкт да спасуваат животи.
Смирени, трпеливи, посветени и лојални, кучињата од расата Њуфаундлендер се фантастични придружници.
Стафордски бул териер
Познато е дека стафордските бул териери се одлични семејни миленичиња и можат да пружат голема емоционална поддршка. Тие се многу интелигентни, чувствителни и приврзани, особено со децата.
(О)Милена | Црнобело
Би можело да ве интересира:
Препорачуваме
Најчитани неделава
