Фитнес ѕвезда со една фотка ги крши сите убедувања за килограмите

Блогерката која стои зад страната „My Sweat Life“, Келси Велс поминала година дена во практикување на програмата на фитнес Инстаграм ѕвездата Кајла Итсинес и гордо ги покажува резултатите.

Но, ако мислите дека се грижи колку килограми има, тогаш се лажете.

Во последната нејзина објава на Инстаграм таа сподели 3 различни фотографии од себе со 3 различни тежини, на првата тежи 66 килограми, на втората тежи 55 килограми, а на третата 64 килограми.

На втората и третата фотографија изгледа подеднакво слаба, а сепак разликата е во речиси 10 килограми.

Па што мислите, што е подобро? Да бидете здрави и фит преку вежбање и здрава исхрана или постојано да мислите на килограмите и вагата?

Н. Г. | Црнобело