Знаци дека некој се вљубува во вас на прв поглед, според експерт за говор на тело

Разговара со вас, а погледот ѝ шета од очите до усните... Кои знаци ја издаваат личноста што се вљубува на прв поглед?

Можеби ви се чини дека љубовта на прв поглед може да се случи само во филм или во љубовни романи, но факт е дека таа постои. Според експертот за говор на тело Џуди Џејмс, може да постојат неколку сигурни знаци што ќе ви укажат на тоа дека некој веднаш се вљубил во вас.

„Љубовта на прв поглед се случува кога еден комплексен, речиси компјутерски процес се случува во неколку секунди, што на емотивно ниво е еквивалентен со џекпот.

Но, без сомнеж, најголемиот број симптоми на љубовта на прв поглед се креирани со помош на очите – сѐ започнува и завршува со поглед“ – вели таа за The Sun.

Кои се според неа шесте сигурни знаци дека некој се вљубува на прв поглед?

Оддалеку ви ги имитира движењата

Ако се наоѓате на некоја забава или во бар и забележите како некој го имитира вашето темпо, начинот на кој се движите или на кој разговарате, тоа може да биде знак дека се вљубува на прв поглед.

„Прчење“

Не мора да значи дека личноста како паун ќе ги крене градите и ќе се прави важна, но можете да забележите дека постојано ја допира косата, вратот или рамената, за да ја забележите.

Ве гледа (во уста) кога зборувате

Најдобар знак дека некој флертува со вас е погледот кој е вперен во вас додека зборувате. Уште подобро е ако забележите дека погледот му шета од очите до усните и обратно – тоа значи дека веќе размислува како да ве бакне.

Ве игнорира

Ако забележите дека некој упорно ве гледал неколку минути, а потоа ненадејно си седнува и гледа наоколу, тоа може да значи дека се обидува да ви го сврти вниманието кон себе.

Ваквиот начин на флертување, во голема мера може да значи дека некој е заинтересиран за вас.

„Мачешка“ насмевка

Слично како мачките, и луѓето знаат да „се смеат“ со очите. Ако забележите дека некому очите му се стеснуваат и погледот му станува нежен, тоа може да значи дека му се допаѓате и дека сте му привлечни.

Меркање

Гледате во некого, а личноста ви го возвраќа контактот, а потоа го упатува погледот надолу и ја наведнува и брадата на неколку секунди, по што пак ве погледнува и се смее - тоа може да биде сигурен индикатор дека чувствува привлечност или нешто посилно.

Б. С. Б. | Црнобело