5 знаци кои покажуваат дека тој нема никогаш да созрее

Колку и да сте лудо заљубени во својот партнер, ако тој одбива да „порасне”, за многу кратко ќе сфатите дека сте во погрешна врска, со погрешен човек.

За да бидете сигурни дека не излегувате со маж кој не е созреан, погледнете ги овие неколку знаци кои ќе ви помогнат да сфатите дали е тој добар за вас.

Сигурно не сакате да заглавите со „Петар Пан”:

1. Се забавува како да има 18 години

Сите сакаме да се забавуваме, но ако тој е веќе во доцните 20-ти или 30-ти години, излегувањето не треба да се состои во опивање до бесвесвест. Секако дека растењето не значи да се откажете од социјалниот живот, но значи да се најде баланс помеѓу забавата и одговорноста. Ако тој не разбира зошто вие сте лути кога се забавува како тинејџер, големи се шансите дека никогаш нема да порасне.

Зошто е тоа лошо? Дали навистина сакате да го чекате будни до 5 часот наутро, секоја ноќ, токму тогаш кога треба да бидете возрасни и одговорни? Сигурно не би сакале...

2. Никогаш не размислува однапред

Да се живее во моментот е важно, а плановите не секогаш успеваат, но сепак луѓето мора да имаат некаква идеја околу тоа што ќе прават утре. Кога сте помлади, најважно ви е да заработите пари и да се забавувате со пријателите. Но, како што минуваат годините, добро е да имате идеја за тоа што сакате да правите, кои се вашите цели или нешто слично што ќе ве носи напред во животот. Секој оној кој не умее да состави животни цели, одбива да порасне.

Зошто е тоа лошо? Кога тогаш, ќе ја изгубите почитта кон личноста која нема желба да се надгради за да стане подобра.

3. Видеоигрите се негово главно хоби

Видео игрите се навистина популарно хоби, насекаде низ светот, но животот без нив е исто така возбудлив. Иако, дури и созреаните мажи уживаат да играат видео игри со своите пријатели, сепак освен тоа тие прават и многу други работи: патуваат, читаат книги, готват. Ако неговата единствена активност е гледањето во телевизор или седењето пред компјутер, тоа кажува многу за неговата зрелост.

Зошто е тоа лошо? После некое време, вие двајца ќе немате повеќе теми за разговор и тој ќе одбива да излегувате како некогаш, а вам ќе ви стане здодевно.

4. Тој размислува само за себе

Вистински доказ за незрелост е некој кој не умее да разбере дека е важно да се биде поддршка на другите луѓе, кога нив тоа им е неопходно. Кога станува збор за тинејџер, тоа е полесно, бидејќи тие ќе пораснат и таа навика ќе се промени. Но, кога во прашање е возрасен човек, кој е себичен, тогаш имате проблем.

Зошто е тоа лошо? Ако секогаш сѐ мора да биде по негово, тешко дека ќе издржите и ќе можете да излезе на крај со ваква личност.

5. Сѐ уште е зависен од мама и тато

Тој веќе навлегол во 30-тите, а неговата мајка сѐ уште му ја пере облеката (или не дај Боже му ја купува) го вози автомобилот на татко му и нему тоа не му пречи. Но, сигурно ќе започне вам да ви пречи, кога тогаш. Ако тој никако не размислува да се исели или да започне живот со вас, тогаш трчајте колку што ве држат нозете.

Зошто е тоа лошо? Во неговата детска соба, веднаш до спалната на неговите родители? Не, благодарам!