Избегнете ги инфекциите: Каков лубрикант треба да одберете?

Не се сите лубриканти исти и не им одговараат на сите жени се основните две работи кои мора да ги запаметите. Посебно обрнете внимание на составот, затоа што по уживањето може да се каете.

Најновото истражување покажало дека цели 66% од жените повеќе уживаат во сексот со лубриканти, а нивна голема предност е што се лесно достапни.

Но, сепак треба да знаете да го одберете вистинскиот.

Оние на база на вода се сушат побрзо и се препорачуваат на млади жени кои дојат или земаат контрацептивни пилули.

Меѓутоа, иако се најевтини, често содржат глицерин кој може да го поттикне размножувањето на габични инфекции, па затоа побарајте лубриканти на база на вода без глицерин кој се компатибилни со кондомите и силиконските сексуални играчки.

Ако ви е потребен посилен лубрикант, користете ги оние на база на силикон кои се посебно погодни за жените во менопауза. Тие се најскапи, но траат најдолго и најмали се шансите дека ќе ги иритираат интимните делови.

Во секој случај, најважно е да бидете добро информирани и да го одберете оној со кој најмногу ќе уживате во сексот.