Чешлање од корен, миење со жешка вода: Најлоши работи што може да ѝ ги направите на косата


Чешлање од корен, миење со жешка вода: Најлоши работи што може да ѝ ги направите на косата

Сите сакаат да имаат убава, силна и сјајна коса, која оддалеку ќе изгледа негувано.

cheshlanje-od-koren-mienje-so-zheshka-voda-najloshi-raboti-shto-mozhe-da-i-gi-napravite-na-kosata-01.jpg

Сепак, за да се постигне тоа, треба да се потрудите повеќе и континуирано да се грижите за неа, како и да избегнувате некои работи кои ја оштетуваат.

Многу често секојдневните навики кои девојките ги имаат се лоши за косата, па несвесно го спречуваат нејзиниот блескав изглед.

Дознајте кои се најлошите работи кои ѝ ги правите на косата и одвикнете се од нив:

Предолго чекате за да ја средите или шишате

Ако косата веќе го губи обликот и не може никако да ја средите, значи дека е време за фризер, па не го одложувајте.

cheshlanje-od-koren-mienje-so-zheshka-voda-najloshi-raboti-shto-mozhe-da-i-gi-napravite-na-kosata-02.jpg

Се фарбате сами

Освен ако не сте веќе искусни и знаете што правите, во друг случај, не експериментирајте сами со косата, бидејќи на крај секако може пак да завршите на фризер за да го среди хаосот кој сте го направиле од вашата коса, а тоа дополнително ја оштетува.

cheshlanje-od-koren-mienje-so-zheshka-voda-najloshi-raboti-shto-mozhe-da-i-gi-napravite-na-kosata-03.jpg

Ја чешлате косата додека е уште мокра

Со ова предизвикувате побрзо кршење, па затоа прво малку засушете ја со фен, а потоа исчешлајте ја и продолжете со сушењето и фенирањето.

cheshlanje-od-koren-mienje-so-zheshka-voda-najloshi-raboti-shto-mozhe-da-i-gi-napravite-na-kosata-04.jpg

Пречесто ја миете и користите жешка вода

Жлездите на скалпот лачат природни масла кои се значајни за здрава коса, а жешката вода може да ги отстрани и да ја направи косата сува. Истиот ефект се добива и со пречесто миење на косата.

cheshlanje-od-koren-mienje-so-zheshka-voda-najloshi-raboti-shto-mozhe-da-i-gi-napravite-na-kosata-06.jpg

Не ги чистите четките пред употреба

Кога на четката има влакна од коса, на неа завршува и многу мртва кожа што не може да ја видите, но е одлична средина за создавање бактерии. Бидете попедантни и секогаш чистете ја четката пред да се исчешлате.

cheshlanje-od-koren-mienje-so-zheshka-voda-najloshi-raboti-shto-mozhe-da-i-gi-napravite-na-kosata-05.jpg

Не користите регенератор или го користите наместо шампон

Шампонот и регенераторот се целосно различни производи и не може да се заменат еден со друг. Двете посебно имаат своја намена, која е добра за косата, па секогаш користете ги едно по друго.

cheshlanje-od-koren-mienje-so-zheshka-voda-najloshi-raboti-shto-mozhe-da-i-gi-napravite-na-kosata-07.jpg

Не ги менувате производите кога косата се менува

Има многу различни производи за коса, во зависност од тоа колку е тенка, кршлива, густа, волуменозна, дали е фарбана, оштетена итн. А, косата со тек на време знае да се промени, па следете го тоа и менувајте ги производите според неа.

cheshlanje-od-koren-mienje-so-zheshka-voda-najloshi-raboti-shto-mozhe-da-i-gi-napravite-na-kosata-08.jpg

Пречесто ја чешлате од корен

Ако ја чешлате косата од корен може само повеќе да ја заплеткате и да искубете повеќе влакна отколку што сте замислувате, а плус, со ова слабее и коренот и правите штета.

Секогаш почнувајте од врвот, а на крај фатете од коренот надоле.

cheshlanje-od-koren-mienje-so-zheshka-voda-najloshi-raboti-shto-mozhe-da-i-gi-napravite-na-kosata-09.jpg

Пречесто врзувате коњско опавче

Ако често ја стегате косата ризикувате да ја оштетите бидејќи ја тегнете од корен, па избегнувајте секојдневно прибирање на косата во стегнато опавче.

cheshlanje-od-koren-mienje-so-zheshka-voda-najloshi-raboti-shto-mozhe-da-i-gi-napravite-na-kosata-10.jpg

Премногу сонце

Ова важи за летните денови, кога на сите им доаѓа на памет кремата за сончање, но повеќето забораваат на производи за нега на коса, со оглед на тоа што сонцето ја уништува и неа, а не само кожата. Секогаш носете марама, шапка и нанесувајте производи за заштита.

cheshlanje-od-koren-mienje-so-zheshka-voda-najloshi-raboti-shto-mozhe-da-i-gi-napravite-na-kosata-11.jpg

М. М. | Црнобело

Би можело да ве интересира:

Мали совети за бојата на косата да ви трае подолго Бојадисувањето на косата е нешто што го прават голем дел од жените. Некои сами д...
Како да ја обновите косата и да го одржите нејзиниот сјај по летувањет... По изложувањето на сонце и морска вода, како и хлор од базените, вашата коса бар...
9 тајни кои жените со беспрекорна кожа никогаш нема да ви ги кажат Младата и негувана кожа не е дар на природата. Таа се стекнува со соодветни рути...