7 корисни совети со кои ќе ги намалите болките во грбот

 Болката во грбот е непријатно чувство кое го добиваме од премногу седење, стрес, прекумерна тежина, недоволна физичка активност или пак, од некоја друга здравствена причина.

Најчесто лекот го бараме во апчињата, но тие некогаш не се доволни за болката да исчезне целосно.

Ние ви даваме совети како во домашни услови да ја намалите болката.

Повеќе спиење

Препорачливо е да спиете 8 часа во денот. Доколку спиете помалку, телото ќе нема доволно време да се одмори и нема да се чувствувате подготвени за извршување на секојдневните обврски. Ако имате проблеми со спиењето, тогаш напијте се чај од камилица пред спиење или пак правете вежби со дишење, со кои ќе му помогнете на телото да се релаксира.

Вежбање

Правилно изведување на вежби му помагаат на вашиот грб да се избори со болките. Особено пливањето, возењето велосипед и пешачењето се добри за зајакнување на мускулатурата на грбот.

Намалување на килограмите

Зголемена тежина исто така може да предизвика болки во грбот. Со здрава исхрана и 15 минути вежби на ден, може да ги намалите килограмите, но доколку сакате дополнително и да ги зајакнете мускулите на грбот, тогаш подобро би било да почнете со јога, пилатес или аеробик. 

Истегнување

Многумина кои патат од болки во грбот работат во канцеларија пред компјутер и се наоѓаат во иста положба 8 или повеќе часа. Без разлика колку и да имате работа да завршите, правете пауза на секои 30 минути за да се протегнете. 

Држење на телото

Лошото и долго седење на стол им пречи на мускулите на грбот да ја издржат вашата тежина. Обидете се кога седите, вашите стапала да бидат рамно поставени на земјата, а рбетот исправен како стрела. 

Масажа

Еден од начините за намалување на болките во грбот е масажата. Ако не можете да си дозволите да одите редовно во спа центри, тогаш земете тениски топчиња и поставите на рамна подлога, а потоа легнете врз нив и полека движете се горе-доле.

Душек

Ако душекот ви е постар од 6 години, тогаш е време да го промените. При избор на душек не ги слушајте советите дека треба да биде тврд, туку изберете го вистинскиот душек кој вас ќе ви одговара.

С. М. | Црнобело