Дали јаболковиот оцет навистина помага во борбата против акните?


Дали јаболковиот оцет навистина помага во борбата против акните?

Постојат многу домашни лекови за подобрување на квалитетот на кожата. Мајката природа понекогаш има огромни дерматолошки вештини.

dali-jabolkoviot-ocet-navistina-pomaga-vo-borbata-protiv-aknite-01

За екстра влажност на кожата обидете се со авокадо, но што е со јаболковиот оцет и акните, зарем тоа не звучи малку како чудна комбинација?

Сепак многу луѓе тврдат дека е делотворна, па затоа експертите проговорија на темата.

„Иако не е научно докажано, тоа не значи дека не функционира. Сè уште нема истражувања што ја потврдуваат делотворноста на јаболковиот оцет против акните, но оцетната киселина во јаболковиот оцет има антибактериски својства. Со други зборови, има потенцијал да ги уништи вашите акни од коренот“, тврди Сејал Шах, дерматолог од Њујорк.

Во секој случај, мора да бидете внимателни при практикувањето на овој третман дома. Јаболковиот оцет може да биде иритирачки за кожата, па дури да предизвика хемиски изгореници.

„Пред употреба треба да се разреди, а пред првпат да го ставите на вашето лице прво тестирајте на едно мало место од вашата кожа дали ќе има негативни реакции“, советува доктор Шах.

Измешајте една четвртина јаболков оцет и три четвртини вода. Ако имате чувствителна кожа, разредете уште повеќе, па потоа ако ви годи третманот продолжете со посилна концентрација. Нанесете ја смесата на кожата со памукче. Оставете да делува 15 минути, а потоа исчистете.

Правете го овој рецепт еднаш до три пати во седмицата, а по отстранувањето нанесете хидратантна крема. Ефектите ќе ги забележите за кратко време.

Заклучокот е дека јаболковиот оцет е одличен за некои типови кожа, но за други може да биде пресилен. Пробајте како ќе делува кај вас, па ако има негативни реакции префрлете се на други помалку агресивни третмани против акните.

С. С. | Црнобело

Би можело да ве интересира:

Што ќе ни се случи ако никогаш во животот не видиме сонце? Научно е докажано дека сонцето има големо влијание врз расположението на луѓето,...
Негативни работи што му се случуваат на телото кога седите по 8 часа н... Многу луѓе поминуваат поголем дел од денот во седечка позиција – почнувајќи со 8...
Шампањ, чоколадо и цитрусна купка: Уникатни начини да ги избегнете есе... Топлото време полека исчезнува и станува сѐ посвежо, па ништо чудно ако околу ва...